సూతపురాణము.
గీ. భేదభావంబు లీరీతి ♦ విస్తరించి
యార్యకింకరు లధిక గ ♦ ర్వాఢ్యులగుచు
మచ్చరంబంతకంతకుఁ ♦ బెచ్చుపెరుఁగ
నుద్దవిడి వేరుశాఖయై ♦ యుండి పిదప. 320
గీ. ద్రావిడ ప్రజావళియెల్లఁ ♦ దమకుఁ గైవ
శంబు కాకపోయెనను క్రో ♦ ధంబుచేతఁ
గలియుగంబునఁ బరికింపఁ ♦ గలవు రెండె
వర్ణములటంచు నార్యులు ♦ నిర్ణయించి. 321
గీ. బ్రాహ్మణులును శూద్రులును మా ♦ త్రంబెకలరు
క్షత్రియులు వైశ్యులును లేరు ♦ కలియుగమ్ము
నందు నంచు సిద్దాంత వా ♦ క్యములువ్రాసి
పెట్టిపోయిరి స్మృతులు ద్రా ♦ విడులకొఱకు. 322
కం. మాయావాదము నిల్వదు
మాయావుల మంత్రతంత్ర ♦ మహిమంబిదిగో !
పాయఁగఁజొచ్చెను మాయో
పాయము లెన్నటికినైన ♦ బయలంబడవే? 323
గీ. స్మృతులనుచు మఱియుఁ బురాణ ♦ వితతియనుచు
ముక్తినీఁజాలు గ్రంథ స ♦ మూహమనుచుఁ
గల్లకపటం బెఱుంగని ♦ నల్లవారు
నెమ్మనమ్ముల గట్టిగా ♦ నమ్మి చెడిరి. 324
చం. వినుము కుమార! నీకు విని ♦ పించెద సర్వము భావిసంగతుల్
కనుకనిచేత నింకఁ జిర ♦ కాలము ద్రావిడభూమి యీగతిన్
74
