ద్వితీయాశ్వాసము
సంశయింపంగ మీకేల ♦ సత్యమిదిగొ !
చచ్చిపోయినపిదప మో ♦ క్షంబువచ్చు. 314
గీ. జుంటితేనె పూఁదేనియల్ ♦ జుఱ్ఱమాని
జుఱ్ఱుఁడీ మీరు కడుపాఱ ♦ సోమరసము
నప్సరః కామినీ మథు ♦ రాధరమ్ముఁ
బానమునుజేయు యోగ్యత ♦ పట్టఁగలదు. 315
ఉ. అబ్బురపాటు పాటిలఁగ ♦ నందఱు నీగతివేడబంబుతో
నిబ్బరమైన పట్టుదల ♦ నెక్కొన నచ్చఁగఁజెప్పి మైకమున్
బ్రబ్బఁగఁజేసి ద్రావిడుల ♦ వంచనఁజేయుచు నార్యకింకరుల్
దబ్బరలాడియాడి తమ ♦ దారికిఁ ద్రిప్పిరి కొంతమందినిన్. 316
వ. పిమ్మట నార్యకింకరు లుపజాపకులై పులుమరించి నిక్కి నీల్గుచు విఱ్ఱవీగుచుఁ గ్రిందుమీదెఱుంగక, స్వజాతిని ధిఃకరించి, స్వజాతీయుల మూఢులని తలపోయసాఁగి క్రమక్రమంబుగా. 317
గీ. మాతృ భాషాభిమానంబు ♦ మఱచిపోయి
యన్యభాషయనెడి బైసి ♦ యైనలేక
సంస్కృతంబును శ్రద్ధగాఁ ♦ జదువసాఁగి
యీసడించివై చిరి సొంత ♦ బాస నకట ! 318
కం. ప్రాచీనాచారములు స
మీచీనముగాదటంచు ♦ మిక్కిలి కినుకన్
వాచాలత్వముతోఁ బూ
ర్వాచారంబులఁ ద్యజించి ♦ రార్యానుచరుల్. 319
73
