ద్వితీయాశ్వాసము
జోక్యముకల్గనీక గుణ ♦ శోభితులై నయపక్షపాతికిన్
శక్యముకాని యట్టిపని ♦ సంభవమౌనె జగత్త్రయంబునన్. 291
గీ. వారు కాలగోచరులైరి ♦ వారిపిదప
దేశ మల్లకల్లోలమై ♦ దిక్కు లేమిఁ
గాఱుచీకట్లు దిశలెల్లఁ ♦ గ్రమ్మికొనఁగఁ
బ్రజలు కళవళించిరుపద్ర ♦ వములచేత. 292
గీ. తమిళ కేరళ తులువ రా ♦ ష్ట్రముల పూర్వ
పుణ్య పరిపాకమునఁజేసి ♦ పోసరించి
రచట నాయర్లు వెళ్ళాలు ♦ నతులశౌర్య
విదితకీర్తి భాసితులైన ♦ మొదలియార్లు. 293
గీ. తెలుఁగు దేశంబునందు దే ♦ దీప్యమాన
శక్తి రాజ్యంబుఁజేసిరి ♦ సారభుజులు
వెలమ మన్నీలు రెడ్డి హం ♦ వీరవరులు
కాపు సరదార్లు నాయకుల్ ♦ కమ్మదొరలు. 294
సీ. విక్రమావష్టంభ ♦ విభవాతిరేకులై
విదళించి కొట్టిరి ♦ వెలమదొరలు
సమర శౌర్యాటోప ♦ చండ ప్రచండులై
క్రవ్వించి నెట్టిరి ♦ కమ్మదొరలు
నిర్ణిద్రదోస్సార ♦ నిర్భిన్న వైరులై
రెట్టించిమెట్టిరి ♦ రెడ్డిదొరలు
వైరి భీకర ఖడ్గ ♦ పాండితీదక్షులై
కదియించి దట్టిరి ♦ కాపుదొరలు
67
