ద్వితీయాశ్వాసము
మ. కొమరుంబ్రాయపు కండకావరమునన్ ♦ గోవాండ్రు దుర్ధర్షులై
భ్రమచే ద్రావిడకన్యకానివహ లా ♦ వణ్యంబునంజొక్కి డం
బముతోడన్ జెఱపట్టినన్ స్మృతులహో! ♦ పల్లెత్తుమాటైన ధ
ర్మముకాదంచును జెప్ప నేరవుకదా ! ♦ మర్యాదబద్ధంబులై. 268
ఉ. ఎల్లర దొడ్ల పెంట భుజి ♦ యించెడి జంతువులెన్నియేని న
ట్టిల్లునుజొచ్చుచున్న నెవ ♦ రేమనరార్యులు, కాని జంకుతో
మెల్లఁగ ద్రావిడుల్ గడప ♦ మెట్టినమాత్ర కషాయతాక్షులై
గొల్లునఁ దిట్టిపోసెదరు ♦ కూడదటంచు వచించు నేస్మృతుల్ ? 269
సీ. కోయ నయితికాని ♦ తీయ మామిడిపండ్లఁ
జేతికందిచ్చెడి ♦ చెట్లనడుమ
జడివానకైనను ♦ దడియకుండఁగనుంచు
ముండ్లుగల్గని పొద ♦ రిండ్లనడుమ
మోరలుపై కెత్తి ♦ పుల్లావుపెయ్యలు
క్రేళ్ళువారెడి పచ్చి ♦ బీళ్ళనడుమ
ఎండకారుననైన ♦ నెండిపోవని తేట
కొండవ్రంతలకొండ ♦ కోననడుమ
గీ. విరులక్రొందావిఁ జిల్కు ప ♦ య్యెరలుగ్రోలఁ
బాఱుటాకులపాక లే ♦ ర్పఱచికొనుచుఁ
నందుఁ దలదాఁచికొను ద్రావి ♦ డాళినెల్ల
వానరులటంచు నార్యులు ♦ వదరినారు. 270
గీ. గడుసు రాయబారములెట్లు ♦ నడపఁగలరు?
కడలి కానకట్టలనెట్లు ♦ కట్టఁగలరు ?
61
