సూతపురాణము.
సంతోషముతోఁ దెగఁబడి
యెంతెంతలుచేసినార ♦ లేమివచింతున్ ? 262
ఉ. ఈవగఁ గుత్సితాత్ములయి ♦ యెంతయు ద్రావిడ మానసంబునున్
నోవఁగఁజేసి యార్యులు మ ♦ నోరథసిద్ధిని బొంద లేక తా
మేవగనేని తంత్రము వ ♦ హించుచు వారల స్థూల దేహముల్
బోవఁగఁజేయఁగా మనసు ♦ పుట్టినఁ బట్టనిగట్టి కిన్కతో. 263
ఉ. ఆర్యనవోఢలంగొని య ♦ నార్యులు పెండిలియాడ వర్ణ సాం
కర్యముకల్గి యున్నతి గ ♦ కావికలౌనని దూరదృష్టి చే
నార్యసభాపతుల్ స్మృతుల ♦ యందున వ్రాసిరి ద్రావిడాళి త
త్కార్యమొనర్చినన్ గఠిన ♦ దండనలం బొరిపుత్తుమంచొగిన్. 264
ఉ. ఒక్కయధర్మమున్ సలుప ♦ కుండఁ బరార్తిని గోరకుండఁ గొం
డొక్కవిధంబునన్ జెమట ♦ యోడ్చి ధనంబును గూడఁబెట్ట నా
ఱొక్కము ద్రావిడప్రజకు ♦ మ్రుచ్చిలియో బలవంతపెట్టియో
దక్కకయుండఁజేయుటయె ♦ ధర్మమటంచు వచించి రార్యులున్. 265
ఉ. అంగద చిచ్చునార్చుకొన ♦ నైన ననార్యులు పట్టెఁడేనియున్
బొంగలి ముట్టఁగూడ దొక ♦ పూటయుఁ జక్కని బట్టకట్ట రా
దెంగిలికూడు సాపడియె ♦ యెప్పుడు తప్పకవెట్టిఁ జేయుచున్;
గింగిరిపాతఁ గట్టుకొని ♦ కిట్టుటె ధర్మమటందురార్యులున్. 266
ఉ. జాత్యభిమాన దుర్విషయ ♦ సక్త మనంబునఁ గ్రూరకర్ములై
సత్యము ధర్మమున్ వదలి ♦శత్రులరాయుటె కర్జమంచుఁ బా
తిత్యము మూటఁగట్టికొని ♦ త్రిక్కక యార్యులు మంత్రత్రంత్రదౌ
ర్గత్యనిమగ్నులై తలప ♦ రానివి కానివిచేసి రెన్నియో! 267
60
