ద్వితీయాశ్వాసము
గీ. మాంత్రికులు విప్రవరు లప్ర ♦ మత్తులగుచుఁ
జెడని తంత్రంబుఁ జక్కగా ♦ నడపుచుండఁ
జుట్టుప్రక్కల పొలమెల్లఁ ♦ జుట్టఁబెట్టి
కైవశముఁ జేసికొనినారు ♦ క్షత్రవరులు. 207
కం. దేశంబీవిధముగ వై
దేశిక వీరభటులకు న ♦ ధీనమయిన నా
క్రోశముతోఁ బరికించి స్వ
దేశజు లారాటపడుచు ♦ దికమకలగుచున్. 208
-♦ ద్రావిడయోథుల మంతనము ♦-
గీ. రచ్చమ్రానుక్రింద ♦ ద్రావిడమన్నీలు
రెడ్డిగములు వైచి ♦ గడ్డుదేరి
రెడ్డిగములఁ బిల్చి ♦ యొడ్డోలగంబుండి
మాటలాడిరిట్లు ♦ మంతనమున. 209
కం. వింటిమె వింతలు ? నిజముగఁ
గంటిమె యెపుడేని యిట్టి ♦ కార్యమ్ములఁ ? గూ
ర్చుంటిమె చేతులు ముడుచుక ?
బంటులమని ప్రల్లదీండ్రు ♦ పగ్గెలు కొట్టన్. 210
గీ. బొల్లిమొగముమీఁదను నిల్వు ♦ బొట్టుఁబెట్టి
రాలురప్పల కెల్లను ♦ గేలుమోడ్చి
గంద్రగోళంబుఁగావించు ♦ కల్లరీండ్ర
దౌష్ట్యమును మాన్పకుండుట ♦ ధర్మువగునె? 211
49
