ద్వితీయాశ్వాసము
గమ్మతావుల గొజ్జంగి ♦ కాల్వదాటి
నందనోద్యాన వనసీమ ♦ యందుఁజొచ్చి. 141
సీ. ఒకవంక వీక్షింప ♦నుత్ఫుల్ల సౌవర్ణ
పంకజాత పరాగ ♦ పంకిలంబు
ఒకచాయఁ గనుగొన్న ♦ శుకశారికానీక
కోకిల కాకలీ ♦ కూజితంబు
ఒకక్రేవఁ బొడగన్న ♦ వికచమందార పు
ష్ప మరందగురు ఝరీ ♦ ప్లావితంబు
ఒకకోనఁ బరికింప ♦ నురువేపథుఃగ్లాని
సంహారకసమీర ♦ చాలితంబు
గీ. మథురవేణు వీణాగాన ♦ మండితంబు
స్వైరకేళీ విహారిణీ ♦ సంకులంబు
విలువిటీ నటీనటపరి ♦ వేష్టితంబు
నందనోద్యాన మానంద ♦ మందిరంబు. 142
చం. తడవులనాఁటనుండియును ♦ దాపసవృత్తిని బూనియున్న నా
కడవులె యాటపట్టులయి ♦ నందునఁ దస్మృగపక్షిజాతులం
దుడుగని నేస్తముంగలిగి ♦ యుండుటచేతను సంభ్రమంబునన్
వెడలితి నందనోపవన ♦ వీధులుచూడఁగ నాల్గుమూలలన్. 143
వ. అంతట నాగుబ్బుగాఁ బెఱిగిన పూఁబొదరిండ్లు, పూఁబొదరిండ్ల నుండి, పూఁదేనె దిగఁద్రావి మత్తిల్లి వెలువడు తేఁటిపౌఁజు, తేఁటిపౌఁజురొద కులికిపడు బిత్తరికన్నెలు, కన్నెల వెన్నాడు గోవాండ్రునుగల్గి నిత్యకల్యాణము, పచ్చతోరణమై వెలుంగుచుండ నేనిటునటు తిలకించుచుండ. 144
33
