ద్వితీయాశ్వాసము
సీ. గరుడ గంధర్వ కి ♦ న్నర కిం పురుషముఖ్య
నానాప్రధిత దేవ ♦ యోనివితతి
జాత్యంతరులనేక ♦ శతవర్షములనుండి
యిందొక్కచో వసి ♦ యింపలేదె ?
పక్షపాత విశిష్ట ♦ శిక్షాస్మృతుల మేము
రచియించినార మే ♦ క్రమముఁదప్పి?
ఐకమత్యముతోడ ♦ నన్నదమ్ములరీతిఁ
జరియింపలేదె పొ ♦ చ్చంబులేక
గీ. ప్రజలయం దెచ్చులొచ్చులు ♦ వర్దిలంగ
స్మృతులు వ్రాయించు భూపతుల్ ♦ స్మృతులువ్రాయు
పండితావళియున్న భూ ♦ మండలంబె
యదుపులేనట్టి మ్లేచ్ఛ రా ♦ జ్యంబుసుమ్ము. 132
గీ. ప్రజల సమదృష్టితోఁజూచి ♦ రాష్ట్రమందు
నీతిబాధలు లేకుండ ♦ నీతిగల్గి
ప్రజలఁబ్రోచుట రాజధ ♦ ర్మంబు కాని
పక్షపాతంబుఁ జూపింపఁ ♦ బాడియౌనె. 133
వ. ఈ సూటిపోటు మాటలకు మను వులికిపడి క్షణకాలంబాగి యీ విధంబుగాఁ జెప్పదొడంగె. 134
క్రమముఁదప్పి
ఉ. అప్రతిమాన బుద్ధి ధను ♦ లై స్మృతులం దలక్రిందుసేయు మా
విప్రులు కొందఱట్టె పల ♦ వించి కడున్ బలవంతపెట్టఁగా
నప్రతిభుండనై జడుఁడ ♦ నై స్మృతి వ్రాసితి నన్ క్షమింపుఁడీ
క్షిప్రగతిన్ బ్రమాదపడి ♦ చేసినకార్యముగాన గీష్పతీ! 135
31
