ద్వితీయాశ్వాసము
కం. కలకల నవ్వుచు దిశలన్
గలకలమను నెమ్మొగంబు ♦ కాంతులు పర్వన్
గలకంఠస్వరములతోఁ
గలవాణులు పాడుచుండఁ ♦ గా విని యంతన్. 110
గీ. రాచబాటను విడనాడి ♦ ప్రక్కనున్న
చంద్రకాంతశిలాచయ ♦ స్థగితమైన
వీధిఁబడి పోవుచుండఁ ద్రి ♦ విష్టపమునఁ
గానరాని విడ్డూరముల్ ♦ గానిపించె. 111
సీ. శ్రోత్రియవరుఁడైన ♦ సోమయాజులు సాని
కొంప తల్పులు చేతఁ ♦ గొట్టుచుండ
వీరగంధముతోడఁ ♦ బెనఁగి కూలిన మల్లు
సానివాడఁ బచారు ♦ సల్పుచుండ
యజ్ఞయాగాదుల ♦ నాచరించిన యోగి
రోపడంతుల యిండ్లు ♦ రోయుచుండ
నిట్రించి తపములో ♦ నెగ్గిన జటిలుండు
బొఁజుగుబోటుల పౌఁజు ♦ పొంతనుండ
గీ. దారి తెలియక జడదారి ♦ తారుచుండఁ
గొంటె తెఱగంటి కన్నె గ ♦ న్గొట్టుచుండ
ననుపుకాఁడట్టె పెడనవ్వు ♦ నవ్వుచుండ
నల్లకల్లోలమైయుండె ♦ నాకపురము. 112
చం. విసవిస సోమయాజి యొక ♦ వీధిని బోవుచు వేశ్యకాంతతో
గుసగుసలాడుటెల్లఁ గని ♦ కోపనగావున సోమిదమ్మయున్
బుసబుసలాడి భూస్థలిని ♦ బోకడ లిట్టివియున్నె యంచుఁ దాఁ
దనతన పూవుటీరమొక ♦ దానిని దారెను దొంగదారినిన్. 113
25
