ద్వితీయాశ్వాసము
వింత దేశంబు దీనిలో ♦ వేగుటెట్టు
లనుచు నాందోళితస్వాంతుఁ ♦ డైతి నేను. 82
గీ. పాఱు సెలయేళ్ళ నీటితుం ♦ పరలతోడ
విరుల క్రొందావి విరఁజిమ్ము ♦ తరులనీడ
సురల యాచారములనెల్లఁ ♦ జూడఁగోరి
యెదురుచూచుచు నిలుచున్న ♦ యింతలోన. 83
-♦ త్రివిష్టపసందర్శనము ♦-
కం. లెంకలు వంకల నిలఁబడి
యంకిలిమాన్పన్ స్ఫురత్సు ♦ మాంచద్ధూళీ
పంకిల ఘంటాపథమునఁ
బంకేజాతాస్యయోర్తు ♦ వచ్చుచునుండన్. 84
గీ. అంగజాలల నెవ్వరీ ♦ యాఁడుపడుచు
తెల్పుఁడంచును నేను బ్రా ♦ ర్థించినంత
వారు తెల్పిరి యూర్వశీ ♦ భామ యీమె
యధికలావణ్యసీమ, వే ♦ శ్యాలలామ. 85
గీ. ఎదురులేనట్టి నెఱజాణ ♦ యెమ్మెలాఁడి
యీమె వాంఛితార్థంబు లీ ♦ డేర్పకున్నఁ
దిట్టుఁ దినకుండఁ బోవలే ♦ రెట్టివారు
మాటినంగ యాయము యంచు ♦ మాటఁదెల్ప. 86
చం. దడదడలాడె గుండెలు య ♦ దాయదలైమును దొంగప్రొద్దునన్
విడివడిపోయి పైకొనఁగ ♦ వెంపరలాడుచుఁ జేర నర్జునుం
డొడబడకుండినం గినిసి ♦ యుంకి, నపుంసకుఁజేసె నీమె నేఁ
డుడుగునె యొంటి నన్గనిన ♦ నుక్కిరి బిక్కిరి చేసి చంపదే. 87
19
