ద్వితీయాశ్వాసము
సగర సార్వభౌమునిజేరి ♦ సంగతులను
విన్నవింప నాలించి పృ ♦ థ్వీ వరుండు. 47
చం. అఱువదివేల పుత్రకుల ♦ నందఱిఁబిల్చి తురంగరత్నమున్
సురపురినున్నఁ దెండు మద ♦ శోభితులై రిపులెవ్వరేనియున్
బొరిఁబొరి నడ్డువచ్చు నెడ ♦ బోరలుచీల్చుచు సూర్యవంశపుం
బరువు, ప్రతిష్ఠ, నిల్పి గరు ♦ వంబును జూపుఁడటంచుఁబంపఁగన్. 48
సీ. ఉత్సాహపూర్ణులై ♦ యుద్భటారభటులై
యుద్వేగవంతులై ♦ యోర్పు లేక
సగరావనీభర్త ♦ సంజాతులెల్లరు
వార్వంబు నెమకంగ ♦ బయలుదేరి
వారాశిపర్యంత ♦ వసుమతీ తలమెల్ల
గాలించి గాలించి ♦ కత్తలాని
ఎచ్చోటఁగనరాక ♦ యేమేనితోఁచక
ముడివడ్డ మోముతో ♦ ముసుఁగువెట్టి
గీ. యురుపరీభావ ఖిన్నులై ♦ యొక్కచోటఁ
గూడి యందఱు కర్జంబు ♦ లాడికొనుచు
నసకమున వారిలో నొక్కఁ ♦ డౌడుఁగఱచి
తెలివివాఱిన మోముతోఁ ♦ బలికె నిటుల. 49
చం. కొకిబికి కొండగూడెములు ♦ గుట్టలు మెట్టలు చెట్టుపుట్టలున్
బెకబెకలాడు మాడెములు ♦పిల్చినఁ బల్కెడి పట్టణంబులున్
సకలముఁజూచి చూచియును ♦ జాతరజక్కినిగాంచమైతి మే
మొకమున భూత లేశ్వరుని ♦ మోసలఁజేరఁగ నేర్తు మైననున్, 50
చం. తెలిపెద నాలకింపుఁడొక ♦ తీరును యజ్ఞ తురంగ మెంతయో
తెలివి కలట్టి దీ కుతల ♦ దేశమునందెట డాఁగియుండినన్
11
