ద్వితీయాశ్వాసము
కం. పరిశుద్ధతోయమయమై
పఱసగు నమ్మంచుకొండ ♦ ప్రస్థముమీఁదన్
దొరలితొరలి మందాకిని
పరిపాటిన్ వచ్చివచ్చి ♦ బయలంబడఁగా. 38
కం. ముంగలఁ గైలాసశిఖరి
ముంగిట గండోపలములు ♦ మునికొనియుండన్
లింగాకృతితో నయ్యవి
గంగాశ్రోతోనిపాత ♦ కషితము లయ్యెన్. 39
శా. లింగాకారము తోడనున్న శిలలన్ ♦ లీలావిలాసార్థమై
నింగిన్వచ్చెడి వేల్పుకన్నెలు సదా ♦ నిఃఖేదులై నట్టి ని
స్సంగుల్ దివ్యతపోధనుల్ గొలుతుర ♦ శ్రాంతంబుసద్భక్తితో
గంగాభంగ జలాభిషేకమనుచున్ ♦ గౌతూహలప్రక్రియన్. 40
కం. తత్కారణమున నేత
త్కుత్కీలము మీఁదశివుఁడు ♦కూర్చుండి మహా
పత్కాలమున నిజ భ
క్తోత్కరమును బ్రోచునందు ♦రుడుగక పెద్దల్. 41
కం. మతిమాలిన కవిచంద్రులు
గతిమాలిన వారలగుచుఁ ♦ గదుకకయెవరో
బతిమాలిన నల్లిరి సి
బ్బితిమాలిన కత యిదియితి ♦ వృత్తముగాఁగన్. 42
కం. ఈచిత్రకథం జెప్పెదఁ
బ్రాచీన కవీంద్రకోటి ♦ పల్కినరీతిన్
“దూచా” లు తప్పకుండఁగ
నీచిత్తాబ్జమునఁజేర్చి ♦ నిజముం గనుమా. 43
9
