పుట:సింహాసన ద్వాత్రింశిక (కొరవి గోపరాజు).pdf/80

సీ. ఆపొలఁతియు దాఁచి యాపండుఁ డనతోడ
నూని కూడెడు మందఁడిని కిచ్చె
వాఁడును దనుఁ గోరి వచ్చి యాసాలలోఁ
గస వూడ్చునట్టి బానిసకు నిచ్చె
నదియును దనకోర్కి పదిలంబుగా మున్ను
తనకూర్చు పనులగోపునకు నిచ్చె
వాఁడును దనకుఁ దావలచి కొట్టములోని
పెండ యెత్తెడునట్టి ముండ కిచ్చె
ఆ. నదియు దానిరాక మొద లెఱుంగమిఁ జేసి
పెండ బుట్టిలోనఁ బండు వెట్టి
కొంచు నింటి కేగుదెంచుచోఁ దెరువున
నరుగుచుండి భూమివరుఁడు గనియె. 92

క. కని దానిఁ బిలిచి యిదియే
యనువున నినుఁ జేరెఁ జెప్పు మనవుఁడు నాత
మ్ముని మఱఁది పసులఁ గావం
జని యడవిం దెచ్చె ననఁగ జనవిభుఁ డలుకన్. 93

గీ. తొంటివిప్రుని పిలిపించి ధూర్త నీవు
తెచ్చియిచ్చిన ఫలమని తెల్పి ధనము
గొంచు నేగితి విది యెట్ల క్రొత్తయోరి
దీని కబ్బిన దనుడు నాద్విజవరుండు. 94

క. నే నిచ్చినదియె యిది మఱి
కానేరదు నన్నుఁ గల్లగాఁ జేయరుమీ
యేనెపమున నిటుచేరెనొ
దీనిని శోధింపు వసుమతీవర యనినన్. 95