పుట:సింహాసన ద్వాత్రింశిక (కొరవి గోపరాజు).pdf/541

480

సింహాసన ద్వాత్రింశిక

చ.⁠

అనవుడు నట్ల యియ్యకొని యాతని మూఁపునఁ బెట్టుకొంచు దె చ్చిన మది మెచ్చి వాఁడు మునుసెప్పినరీతిని మ్రొక్కుమన్న నే గనిక్రియఁ బల్కిన న్మఱి ధరం బ్రణమిల్లిన వానిమస్తకం బనువునఁ ద్రెంచి పావకున కాహుతిగా నొనరించి సిద్ధుఁ డై.

⁠ 70

ఆ.⁠

ఆత్మరక్షణాఢ్యుఁ డగువాని నటు వేల్చు నంత భూతనాథుఁ డతని మెచ్చి యెప్పుడైనఁ దలఁపు మేవచ్చి నిల్చెద సిద్ధు లెనిమిదియును జెందుననియె.

⁠ 71

క.⁠

సుర లటు పేర్కొని విద్యా ధరరాజ్యము గలుగ నొసఁగి తద్గుణముల క చ్చెరు వందుచు నేగిరి భూ వరుఁడును బేతాళు ననిపి వచ్చెం బురికిన్.[1]

⁠ 72

శా.⁠

ఈ సామర్థ్యము నేర్పుఁ దెంపు నణిమాధీశత్వము న్లేక నీ కీసింహాసన మెక్కు టౌనె మదిలో నీక్షింపుమా యన్న ను ల్లాసం బెల్లఁ దొఱంగి తద్గుణగణశ్లాఘాపరుం డౌచు ల జ్జాసంగవ్యథఁ గ్రమ్మఱం జనియె భోజుక్ష్మావిభుం డింటికిన్.

⁠ 73

ముప్పది రెండవ బొమ్మకథ

క.⁠

తదనంతరంబ యాము ప్పదిరెండవబొమ్మయైనఁ బద మిడు తరి స మ్మదమున నిఁకఁ బల్కెడునని మదిలోపలఁ దలఁచి యతడు మఱునాఁ డెలమిన్.

⁠ 74

1. ఈకందమునకు మాఱుగా, వ. అనిన నట్ల విక్రమార్కుడు సంకల్పసిద్ధుండయ్యెఁ గావున- అని యొక ప్రతిలోఁ గలదు.