పుట:సింహాసన ద్వాత్రింశిక (కొరవి గోపరాజు).pdf/510

ఏకాదశాశ్వాసము

449

క.⁠

తెలియఁగల దొకటి విను నా సెలవున నతఁ డర్థ మట్లు చేకొని చనియె న్వల దనుచు నడ్డపెట్టక నిలుపక పంపినదిచాలు నీపని యొప్పున్.

⁠ 104

మ.⁠

అనినం గ్రమ్మఱ మ్రొక్కి వాఁడు నరలోకాధీశ నీయాజ్ఞఁ గాం చనరత్నాంచితశేఖరంబు కరణి న్సర్వక్షమాధీశులు న్వినయానమ్రశిరస్కులై శిరముల న్విఖ్యాతిగాఁ దాల్చి నీ పనివారై నెగడంగ నీ సెలవుఁ దప్పంజేయ నే నెవ్వఁడన్.

⁠ 105

క.⁠

ఎత్తఱినైనను బతి దన చిత్తగతిం దగవు మీఱి చెప్పిన పని మా ఱుత్తర మీయక చేసిన నుత్తమసేవకుఁడు వాఁడె యుర్వీరమణా.

⁠ 106

చ.⁠

పనిచినఁ [1]బోనివాఁ డొకఁడు పంచినఁ దా నొరుఁ బంచు నొక్కరుం [2]డను విది గా దటంచు నెదురాడు నొకం డొకఁ డొంటిఁ బోవరా దను నొకఁ డప్డు రోగినను నాపని గాదను నొక్కరుండు పొ మ్మనఁగఁ జలించు నొక్కఁడు జనాధిప [3]యేడ్వురుఁ గష్టసేవకుల్.

⁠ 107

ఆ.⁠

ఆజ్ఞ దప్పుట పతి యాయువు దరపుట కాన నర్థ మెంత యైన నేఁడు వోవుఁగాక యేను దేవరయానతి దప్పఁజేయుదునె హితత్వ మేది.

⁠ 108

వ.⁠

దేవ నీయానతి కనుగుణంబుగ నమూల్యరత్నాది సువస్తువు లెల్లను దాఁపురంబు చేయక చూపిన నతండు తన యిచ్చకొలందినె యవారితంబుగా

⁠

1. బోయిరాఁ డొకఁడు
2. డను నిది గా దటంచు
3. యార్వురు అని మూ.