పుట:సింహాసన ద్వాత్రింశిక (కొరవి గోపరాజు).pdf/490

వికీసోర్స్ నుండి
ఈ పుట అచ్చుదిద్దబడ్డది
శ్రీరస్తు

సింహాసన ద్వాత్రింశిక

ఏకాదశాశ్వాసము

క.

శ్రీసహితకంఠభూషణ
వాసుకిఫణరత్నరుచిరవపురర్థకృతా
[1]వాసనిజతోషమయ గౌ
రీసఖ్యవిహారి నిందురేఖాధారిన్.

1

ఇరువదియెనిమిదవ బొమ్మకథ

మ.

కడుభ క్తి న్మదిలోన నిల్పుకొని లగ్నం బొప్పుగాఁ గూర్చి పెం
పడర న్విప్రులు తన్నుఁ జేరి కొలువన్ హర్షానుకర్షంబు లే
ర్పడ నాభోజమహీవరుండు మఱియు న్భద్రాసనం బెక్కున
య్యెడఁ బాంచాలిక యడ్డపెట్టి మఱి సభ్యేష్టంబుగా నిట్లనున్.

2


చ.

ప్రియమున నిల్వరింపక గభీరగుణం బిటు లుజ్జగించి సం
శయ మగునుద్యమంబునకుఁ జాగిన నేల ఫలించు నీకు ను
జ్జయినినృపాలుథంగీ నతిసాహసము న్సకలోపకారమున్
దయయును లేక యిచ్చటఁ బదం బిడవచ్చునె భోజభూవరా.

3


చ.

ఆతనిగుణంబు లెట్టివని యానతి యిచ్చెదవేని నిల్చి నీ
మతి నిఁక నాదరించి వినుమా వినిపించెదఁ గొంతకొంత యు
ద్ధతపరిపంథికుంజరవిదారణసింహపరాక్రము న్మత
[2]క్రతుసఖు నార్తలోకహితకారణు నెట్లు నుతింప నేరుతున్.

4
  1. వాసమయతోషనిజగౌ
  2. క్రతుసుఖసభ్యునార్తహిత-నార్తమర్త్యహిత