పుట:సింహాసన ద్వాత్రింశిక (కొరవి గోపరాజు).pdf/481

420

సింహాసన ద్వాత్రింశిక

క.⁠

ఆపసిఁడిపేరు గుడిలో దాపసుఁడై నిష్ఠ నున్న ధరణీపతికం ఠోపాంతంబునఁ దగిలెం బాపంగారానికర్మబంధముభంగిన్.

⁠ 126

చ.⁠

తలవరు లంతలోఁ బ్రతిపదంబును జాడలు వట్టి వచ్చుచున్ బలబలఁ దెల్లవాఱ గుడిప్రాంతము డగ్గఱి యంతలోన ని [1]శ్చలనిజగాత్రుఁడై నియమసంస్థితుఁడౌ మతిమంతుఁ జేరి త ద్గళమున వ్రేలుచున్న నవకాంచనమాలికఁ గాంచి యుగ్రులై.

⁠ 127

ఉ.⁠

మ్రుచ్చిలి రాచసొమ్ము లివి మున్నుగ నన్నియుఁ దెచ్చి మౌనివై యిచ్చట నున్నఁ బోవిడుతుమె వెసఁ జెప్పుము తోడిదొంగ లిం కెచ్చట నున్నవార లని యీడిచి చేతులు గట్టి మోఁదుచుం దెచ్చి కళంకతో వసుమతీపతిముందఱఁ బెట్టి రాతనిన్.

⁠ 128

సీ.⁠

జీవరక్షకుఁ డను నీవు జీవంబు వో         నాడక చెప్పరా తోడివారి నెక్కడ నుంచితి తక్కినసొమ్ములు         తెమ్మని కొట్టించి ధృతి యడంచి యొకయుత్తరంబు నీయక యున్నఁ జంపింపఁ         గడఁగియుఁ దనపేరికడిమి దలఁచి [2]కోపించి కాల్సేయి గోయించి వెడలించె         నాలోన నొకవైశ్యుఁ డతని బ్రోవఁ

⁠

ఆ.⁠

గరుణ నుడుకునూనె గాపించి వగయార్చి కూడునీళ్ళు నొసఁగి వాడుఁ దేర్చి

⁠

1. శ్చలమునవేషయోగమున సంస్థితు
2. గొంచుచు నతనికాలుంజేయు గోయించ - రోజుచు నతనికాలుంజేయి