పుట:సింహాసన ద్వాత్రింశిక (కొరవి గోపరాజు).pdf/465

404

సింహాసన ద్వాత్రింశిక

ఆ.⁠

మిత్రుఁ డరిగిన యెడ శత్రువునై యిట్లు గాసి వెట్టిన మదిఁ గలఁగఁ డితఁడు ధర్మశీలునెదురఁ దామసగుణములు నిలువ వనుచు రజని తలఁగిపోయె.

⁠ 47

శా.⁠

ప్రత్యూషం బగునంత వాన వెలిసెం బ్రవ్యక్తమై దిక్కులం దత్యాభాసము గల్లె జక్కవకవల్ హర్షించెఁ జీఁకట్లు దే శత్యాగంబుగఁ బాసెఁ దమ్ములు వికాసం బొందఁ బూర్వాద్రి నా దిత్యుం డుద్గతుఁ డయ్యెఁ గుంకుమగతిం దేజంబు రాజిల్లఁగన్.

⁠ 48

క.⁠

పక్షులు వలుకుచుఁ దమతమ పక్షము లగువానిఁ గూడి బాలార్కురుచిం బక్షంబులు కెంపడరఁగఁ బక్షీంద్రునిపిల్ల లనఁగఁ బాఱం దొడఁగెన్.

⁠ 49

ఉ.⁠

అప్పుడు విక్రమార్కుడు ప్రయాసము వుట్టఁగఁ దోఁకవట్టి తా నెప్పటి యట్ల పూనికొని యెత్తఁగ ధేనువు లేవకున్న నే చొప్పు నెఱుంగలేక యిది చూడఁగ సన్నము చాల వ్రేఁగు నా కప్పరమేశుఁ డిచ్చిన మహాబల [1]మెక్కడ స్రుక్కె నక్కటా.

⁠ 50

ఉ.⁠

కొమ్ములు పట్టి యెత్తఁ బథికుం డొకఁ డైనను గల్లఁ డిట్టి ఘో రమ్మగుకానలోపల నరప్రసరం బది యెట్లు గల్గు నా యిమ్ముల యత్న మేల ఫలియించుఁ బురాకృతవృత్తినైన భా గ్యమ్మునఁ గాక యంచు మదిఁ గందుచు ముందఱఁ బాఱఁ జూచినన్.

⁠ 51

సీ.⁠

[2]గజములం తేసి మృగంబులఁ         జెండాడుగోరు లంకుశముల కొలఁదిమీఱఁ జాఱలు తనచేతఁ జచ్చినజీవుల         లెక్కబొట్టులక్రియ నక్కజముగఁ

⁠

1. మిక్కడ
2. గజములయంతమృగ