పుట:సింహాసన ద్వాత్రింశిక (కొరవి గోపరాజు).pdf/461

400

సింహాసన ద్వాత్రింశిక

⁠

దీపితదివ్యశస్త్రనిహతిన్ దిననాథతనూజవక్ర మా ర్గాపఘనోపరోధ మభయంబునఁ జేయుము వృష్టి గల్లెడున్.

⁠ 25

ఉ.⁠

పంటలు పెక్కుగల్గు నని పల్కిన నానృపుఁ డాత్మలోన ము క్కంటి రఘూద్వహు న్విజయుఁ గైకొని మ్రొక్కుచు దివ్యబాణము ల్వింట నమర్చి పంక్తిరథులీలఁ గడంగి ప్రతాపశక్తి మి న్నంటి గ్రహంబు లెల్ల విరియంగ శనైశ్చరు నడ్డకట్టినన్.

⁠ 26

ఉ.⁠

ఆశని నిల్చి నీబలమహత్త్వము మెచ్చితిఁ దొల్లి నీవు గౌ రీశునిచేఁ దపంబున నభీష్టము లందితి, నేఁడు శక్తి నా [1]కాశము గట్టి నాదగుప్రకాశము ద్రుంచితి నేఁటినుండి నీ దేశములోపలం గఱవు దీఱఁ బ్రజ ల్సుఖియింపఁజేసెదన్.

⁠ 27

శా.⁠

హర్షం బయ్యె భవత్కృతంబున నృపాలాగ్రేసరా కోరిన న్వర్షంబు ల్గురియింతు నెప్పుడయిన న్వర్ధిల్లు పొమ్మన్న ను త్కర్షంబంటిన శౌర్యమొప్పఁగ సుభిక్షం బుర్విఁ దోఁపంగ దు ర్ధర్షుండై [2]చనుదెంచి భక్తిఁ గొలిచెన్ ధాత్రీశుఁ డాశాపురిన్.

⁠ 28

వ.⁠

అది గావున.

⁠ 29

క.⁠

ఈసామర్థ్యము [3]నీకడ వీసంబును లేదు మగిడి వెసఁ జను మనినన్ వేసరినభంగి భోజుం డాసింహాసనము డిగి గృహంబున కరిగెన్.

⁠ 30

వ.⁠

తదనంతరంబ కతిపయదినంబు లరిగిన షడ్వింశతితమద్వారంబునఁ బోవుచు.

⁠ 31

ఇరువదియాఱవ బొమ్మ కథ

క.⁠

తెల్లనికొండయు గుజ్జును దెల్లనిపూఁతయును మేను దెల్లనిపాముం

⁠

1. కాశము ముట్టి నాకడఁ బ్రకాశభజించితి
2. చనుదెంచె వేగ నెలమిన్ ధాత్రీశుఁ డుజ్జేనికిన్
3. నీ కరవీసంబును లేదు