పుట:సింహాసన ద్వాత్రింశిక (కొరవి గోపరాజు).pdf/454

వికీసోర్స్ నుండి
ఈ పుట అచ్చుదిద్దబడ్డది

నవమాశ్వాసము

393


నఖిలజగదాధారస్తంభం బగుకుంభీనసేంద్రుండును దన్నింతవానిఁగా దలంచి వీరలం బంచినచోట వృథపుచ్చుట నాదొడ్డతనంబునకు మిగులం గొఱంత గావున వైరిమనోరథంబులతోడం గూడ నాయశంబు వర్ధిల్లుంగాక యనుచు నిశ్చయించి.

138


క.

కుండలిబాలకులకు నధి
కుండగు భుజగేంద్రనాయకుం డటు మెచ్చం
గుండ యమృతంబు నేఁ డీ
కుండఁగఁ దగ దనుచుఁ దప్పకుండఁగ నిచ్చెన్.

139


ఉ.

ఈ వెరవొప్ప నర్థులకు నిచ్చి యతం డరుదెంచెఁ గ్రమ్మఱం
గావున నీకు నీగుణము గల్గిన గ్రక్కున దీని నెక్కుమా
నావుడుఁ దద్గుణశ్రవణనందితచిత్తసరోజుఁడైన భో
జావనివల్లభుండును గృహంబున కేగి మతి న్నుతింపుచున్.

140


శా.

సారాచారవిచారచారుచరితక్ష్మానిర్జరవ్రాతచే
తోరాజీవనిరంతరోల్లసితవిద్యోతప్రభాధామునిం
బారావారపయోవిహారభువనప్రారంభనిద్రాఖ్యమా
యరామాహతకైటభాదిఘనదైత్యస్తోము దామోదరున్.

141


శా.

శర్వాణీహృదయాంబుజాహిమరుచి న్సర్వంసహాభృద్ధను
ర్మౌర్వీభూతమహాభుజంగమపతిన్ మందాకినీజూటునిన్
సర్వజ్ఞు న్సకలేశ్వరు న్భువనరక్షాదక్షిణప్రాభవున్
గీర్వాణవ్రజసంతతాభిలషితక్షేమంకరు న్శంకరున్.

142


మాలిని.

విధురజనశరణ్యా వేదశాస్త్రాద్యగణ్యా
బుధహితనరవేషా భూషణీభూతశేషా
మధుకరనిభతేజా మౌక్తికాళీసమౌజా
మధురిపుహరిరూపా మర్మకర్మస్వరూపా.

143