పుట:సింహాసన ద్వాత్రింశిక (కొరవి గోపరాజు).pdf/418

అష్టమాశ్వాసము

357

⁠

గతులు చెలంగఁ బాదకటకంబులు మ్రోయఁగ నాట్యమాడె నొ క్కతె తొలుకారుక్రొమ్మెఱుఁగు కైవడిఁ దద్రసభావపుష్టిగన్.[1]

⁠ 172

క.⁠

ఎలనాఁగలు మఱి తమలో పల నృత్తాంగములు వీడువడ నాడుచుఁ గ్రొ న్నెలతాల్పువేల్పు నీక్రియఁ గొలిచి మగిడి యేగునపుడు గుడిలో మూలన్.

⁠ 173

శా.⁠

విస్మేరాకృతినున్న మంత్రితనయు న్వీక్షించి ప్రోయాండ్రు మం దస్మేరానన లౌచు నీకు సుఖమందం గోరుకు ల్గల్గెనే నస్మద్భూమికి రమ్మటంచుఁ జనఁగా నయ్యుష్ణతీర్థోష్మల న్భస్మం బయ్యెద నంచు భీతి నతఁ డాప్రాంతంబున న్నిల్చినన్.

⁠ 174

క.⁠

పాతాళంబున కేగిన యాతరుణులదీప్తి భూతలాంతంబున ను ద్యోతించునొ యనఁ దూర్పున నాతతమగు కెంపుదోఁప నరుణుఁడు వొడచెన్.

⁠ 175

మ.⁠

దిననాథుం డుదయింపఁగా వెడలి భక్తిన్ గౌతమీతీరకా ననము ల్దూఱుచు నొక్కనాఁడు కడుఁ బుణ్యంబైనకాళేశ్వరం బున కేతెంచి మహోపచారపరుఁడై ముక్తీశ్వరుం గొల్చి నె మ్మన ముప్పొంగఁగ ధన్యుఁడై మగుడఁ దన్మార్గంబున న్వచ్చుచున్.

⁠ 176

క.⁠

హరిహరు లేకం బనియెడు పురాణవచనంబు దృష్టముగ నొకచోటన్ నరసింహుండును రామే శ్వరుఁడును గలధర్మపురికి వచ్చెఁ గడంకన్.

⁠ 177

1. ఈ చంపకమాలకు ప్రత్యంతరములో
   గీ. కంకణములు తాళగతి చెలంగఁగఁబాద
   కటకములును మ్రోయ నటనచూపెఁ
   దరుణి యొకతె క్రొత్తమెఱపుకైవడి నిండి
   రసము భావపుష్టిఁ బొసఁగుచుండ.