పుట:సింహాసన ద్వాత్రింశిక (కొరవి గోపరాజు).pdf/397

336

సింహాసన ద్వాత్రింశిక

మ.⁠

ఘనుఁడౌ విష్ణుఁడు జన్నిదంబు శిఖయున్ గాయత్రిపల్కుల్ మృగా జినము న్గోచియు దర్భలు న్గొడుగు మౌంజీబంధము న్గోపిచం దనము న్వేలిమిబొట్టు గుండలములున్ దండంబు నందంబుగా నిను వంచింపఁ గడంగి తాఁ గుఱుచయై నీచేత వర్ధిల్లఁడే.

⁠ 59

క.⁠

వెడమాయలవడు గడిగినఁ దడయక మూఁడడుగు లిచ్చి ధర్మం బిల నా ల్గడుగులుగా నిల్పిన నీ కడిమి వొగడ నలవి యౌనె కమలజుకైనన్.

⁠ 60

క.⁠

ఆలాగు కపటియైనను వేలుపె యని యొసఁగు నీదు వితరణగుణముం దాలిమియు మెచ్చి (త్రిభువన పాలకుఁ డచ్యుతుఁడు ద్వారపాలకుఁ డయ్యెన్.

⁠ 61

క.⁠

పాత్రత్యాగి యనంగ జ గత్రయమునఁ బరగునట్టి ఘనుఁడవు నను నీ మిత్రునిక్రియఁ గనుగొంటి ప విత్రచరిత్రుండ నైతి విశ్వములోనన్.

⁠ 62

సీ.⁠

అనవుడు దనుజేంద్రుఁ డతిసమ్మదంబున         నుర్వీశ యీ కలియుగమునందు వీరుండు శూరుం డుదారుండు మఱి లేఁడు         నీవే కా కని యని నిన్నుఁ జూడ వేడుకపడి యేను విష్ణుని యాజ్ఞచే         వెడలి రాలేక యీవెరపు పూని ని న్నిటు రప్పించి కన్నులారఁగఁ గంటి         నధికలాభం బయ్యె నంచుఁ బలికి

⁠