పుట:సింహాసన ద్వాత్రింశిక (కొరవి గోపరాజు).pdf/389

వికీసోర్స్ నుండి
ఈ పుట అచ్చుదిద్దబడ్డది

328

సింహాసన ద్వాత్రింశిక


యోలి నిలిపి యడిదమునఁ ద్రోలివ్రేయ
ఖండితములగు గుమ్మడికాయలట్లు.

18


క.

ఆకొమ్ముకాఁడు తొల్లిటి
యేకలమో కాక యముఁడొ యిట్టివిచిత్రం
బేకడఁ గానము విను మది
నీ కెఱిఁగింపంగఁ బూని నేఁ బనివింటిన్.

19


మ.

వసుధానాయక వేటకుం గదలు సత్త్వం బెక్కు మేనంతకున్
సుసరంబౌ లఘువౌ జయం బగు రిపుక్షోభం బగు న్సద్గుణ
ప్రసరం బేర్పడుఁ జేతి సూటి మెఱయింపం జో టగు న్వేఁట దు
ర్వ్యసనం బండ్రు ధరిత్రి నిట్టిగతి సౌఖ్యం బొండుచోఁ గల్గునే.

20


క.

అంచుం జెప్పినఁ బ్రియపడి
చెంచుం గనకాంబరముల జాలువారఁగ మ
న్నించి వరాహముఁ ద్రుంపఁద
లంచి మృగవ్యప్రయాణలాలసమతియై.

21


సీ.

దీమంపువేఁటలు దామెనవేఁటలు
        తెర వేఁటలును నేర్పు తెరలికలును
బందెమాడినభంగిఁ బందుల నొప్పింప
        బూటకాం డ్రనఁదగు వేఁటకాండ్రు
సారమేయంబులౌ సారమేయంబుల
        పట్టెడగొలుసులు పట్టినడువ
భేరుండగండగంభీరత్వ ముడిగించు
        భేరీరవంబులు బోరుకొనఁగ


ఆ.

వారువము నెక్కి మితపరివారుఁ డగుచుఁ
బోటుకాండ్రును వడిగలయేటుకాండ్రు