పుట:సింహాసన ద్వాత్రింశిక (కొరవి గోపరాజు).pdf/387

వికీసోర్స్ నుండి
ఈ పుట అచ్చుదిద్దబడ్డది

326

సింహాసన ద్వాత్రింశిక


ఆ.

నీవు దాడివెట్టి నెగడిన నఱుమక
యీఁక విరిగి గొందు లీఁగునృపుల
పగిదిఁ బులుఁగులెల్లఁ బఱవ వేఁటాడు నీ
సాళువంబు గొనుము మాళవేంద్ర.

11


క.

అని చూపి కొలువులోపలఁ
దనచేతివిహంగమమును ధరణీశుని కొ
ప్పన చేసి తాను వచ్చిన
పనిఁ జెప్పఁ గడంగి యతఁడు పతి కిట్లనియెన్.

12


ఆ.

నృపులు గానలేని నీమహావసరంబు
నేఁడు గంటి దొడ్డవాఁడ నైతి
మానవేంద్ర యేను మందరగిరినుండి
యరుగుదెంచినాఁడ నవధరింపు.

13


శా.

ఓ రాజన్యకులావతంసక తదీయోపాంతభాగమ్మునన్
భేరుండాదిమహామృగేంద్రనివహాభివ్యాప్తమై యున్నత
స్ఫారానేకమహీరుహప్రకరవిస్తారావరుద్ధార్కసం
చారం బైనయరణ్య మున్నది తమస్సందోహసందష్టమై.

14


సీ.

ఆదివరాహ మాయడవి యేకలములు
        మన్నించి విడిచిన గున్నయొక్కొ
దిక్కరు లక్కడ నక్కు నేనుఁగుల చేఁ
        దోలుడువడి చెన్న దున్నలొక్కొ
చండికసింహ మచటఁ బేర్చుసింగంపుఁ
        గదుపులోఁ దప్పిన కొదమయొక్కొ
కాలునిపో తందుఁ గల కారుపోతులఁ
        గూడిరాలేకున్న దూడయొక్కొ