పుట:సింహాసన ద్వాత్రింశిక (కొరవి గోపరాజు).pdf/356

295

సప్తమాశ్వాసము

శా.⁠

కాయం జొచ్చె రసాలము ల్విరహు లాకంపింపఁగాఁ గోయిల ల్గూయం జొచ్చె మనోజదిగ్విజయ మాఘోషించుచుం దుమ్మెదల్ మ్రోయం జొచ్చె నవీనపుష్పశరము ల్మొత్తంబుగాఁ జిత్తజుం డేయం జొచ్చె సతు ల్మదిం గలఁగఁగా నెచ్చోటులుం దానయై.

⁠ 12

సీ.⁠

గంధ బంధురుఁ డైన గంధవాహుండు ము.         న్నేర్చినపట్టపుటేనుఁ[1] గనఁగఁ బచ్చపక్కెరలట్లు పక్షంబు లొప్పారు         వరకీరములు వారువము లనంగఁ బదహతిఁ బుప్పొళ్ళు పర్వఁగా నేతెంచు         నలులమూఁకలు కాలిబలము లనఁగఁ బంచమస్వరములఁ బరిణమింపగఁజేయు         పికములు కీర్తిగాయకు లనంగ

⁠

ఆ.⁠

నేచియున్న మావు లెల్ల గొల్లెన లన లలిత మైనరాజ్యలక్ష్మి మెఱసి యితరనృపులభంగి ఋతుచక్రవర్తియు నతనిఁ గొల్వవచ్చి యచట విడిసె.

⁠ 13

క.⁠

ఆవృత్తాంతము దెలియం గా విని సచివేంద్రుఁ డచట గందర్పసఖున్ భూవరులను సక్రియ సం భావింపఁ దలంచి సార్వభౌమున కనియెన్.

⁠ 14

ఆ.⁠

ధరణిపాలు రెల్ల ధరణీశ మిముగొల్వ వచ్చియున్నవారు వనములోన

⁠

1. పట్టపు నేనుఁగు