పుట:సింహాసన ద్వాత్రింశిక (కొరవి గోపరాజు).pdf/347

286

సింహాసన ద్వాత్రింశిక

⁠

ధైర్యము సాహసమును నౌ దార్యమ్మును లేక యెక్కఁదగవే దీనిన్.

⁠ 109

వ.⁠

అనవుడు నతని సాహసాదికోదారభావంబు లెట్టి వనిన నప్పాంచాలిక సప్రపంచంబుగా ని ట్లని చెప్పం దొడంగె.

⁠ 110

ఉ.⁠

ఏ మని చెప్పఁ దక్కిన నరేశ్వరు లెవ్వరుఁ గారు గాని నేఁ డీమహి విక్రమార్కవిభు నీడున కౌదు రమోఘబాణసం గ్రామమున న్రతి న్విమతఖండన మై బలిమి న్ముఖప్రభన్ రాముఁడుఁ గాముడుం బరశురాముఁడు భీముఁడు సోముఁడుం గదా.

⁠ 111

ఆ.⁠

అట్టి మనుజవిభుఁడు భట్టి ప్రధానిగా నయ్యవంతి నేలు నాదినములఁ గలఁడు వేదవేది ఘనుఁడు ధర్మజ్ఞుఁడు సుశ్రుతుండు నాఁగ నాశ్రితుండు.

⁠ 112

ఉ.⁠

సుశ్రుతుఁ డెల్లతీర్థములుఁ జూచెద నంచు దృఢవ్రతస్థుఁడై యాశ్రితకల్పవృక్ష మగు నాపతిపంపున నేగి ధర్మస మ్మిశ్రముగా సుదేశములు ముట్టుచుఁ బుణ్యముఁ గూడఁబెట్టుచు న్విశ్రుత మైనతన్మహిమ నించు వెసం జనియం బ్రయాగకున్.

⁠ 113

మ.⁠

తరగ ల్చేతులు పక్షిజాతములకూఁత ల్కంకణక్వాణముల్ [1]నురువు ల్తెల్లని చామరంబు లన నన్యోన్యంబు నుప్పొంగుచు న్సరి గంగాయమునల్ తగం గొలువఁగా ఛాయావటచ్ఛత్రసం స్ఫురణం జెల్వగు తీర్థరాజ మచటం జొచ్చెం బ్రశంసించుచున్.

⁠ 114

క.⁠

నీలము ముత్యముఁ గూర్చిన పోలిక హరిహరులు గూడుపొందున నొకచోఁ

⁠

1. అరుదౌ ఫేనము వెల్లచామరలనన్