పుట:సింహాసన ద్వాత్రింశిక (కొరవి గోపరాజు).pdf/342

షష్ఠాశ్వాసము

281

ఉ.⁠

ఆకమలాప్తసూతుఁ డుదయాద్రికిఁ జేరుచుఁ దూర్పుదిక్కునం జేకొని కెంపుగుంపు గొనఁ జేయుచుఁ దారల పెంపు డింపఁగా జీకటి రాజశేఖరుని చీకటితోడన కూడి పాయఁగా నాకడ యక్షు లాతనికి నప్పురమార్గముఁ జెప్పి యంపఁగన్.

⁠ 80

ఉ.⁠

భాస్కరుఁ డంతలో నుదయపర్వత మెక్కఁగ భూవిభుండు శ్రే యస్కరి యైనలక్ష్మిక్రియ యంగనతోడుగ నేగి కానలోఁ దస్కరమార్గము ల్గడచి దవ్యులఁ [1]గాంచెఁ దటాంతకీలితా హస్కరరత్నజాలవలయం బగుయక్షవిహారదుర్గమున్.

⁠ 81

ఉ.⁠

ఆనగరంబుచేరువ వనాంతముఁ జొచ్చి సరోవరంబులో స్నానము చేసి భాస్కరుని సౌరజపంబునఁ గొల్చుచుండఁగా మానవు లెల్ల నెవ్వనికి మద్రపురాధిపతిత్వ మిత్తమం చూనినచర్చనున్నయెడ నొయ్యన యక్షులు బుద్ధి గొల్పినన్.

⁠ 82

క.⁠

మదకరిణిచేతి కొకచ క్కదనపు వనమాల[2] యిచ్చి కదలించినచో నది యెవ్వని మెడ నిడియెను విదితంబుగ నతఁడె మనకు విభుఁడౌ ననుచున్.

⁠ 83

క.⁠

అందఱు నొకమదహస్తిని నందముగ నలంకరించి హస్తాగ్రమునం జెందొవలదండ యిడి వే డ్కం దూర్యధ్వనులు[3] చెలఁగఁ గదలించినచోన్.

⁠ 84

క.⁠

జంభారి నెదురుకొనఁ జను కుంభీంద్రునితోడి పిడియొకో యిది యనఁగాఁ

⁠

1. గాంచెను రత్నకారితాహస్కరరత్నరాజినిలయంబగు
2. చక్కద మగువనమాల
3. వెనుకం దూర్యధ్వనులు