పుట:సింహాసన ద్వాత్రింశిక (కొరవి గోపరాజు).pdf/335

వికీసోర్స్ నుండి
ఈ పుట అచ్చుదిద్దబడ్డది

274

సింహాసన ద్వాత్రింశిక


సేక సముత్సేక భీకరసూకర
        కాసార కాసార భాసురంబు


గీ.

చలపలాశపలాశరసాలసాల
తాలహింతాలశీతలోత్తాలతలము
మృగమృగాధనమృగనాభిమృగమయంబు
వింధ్యవనము సొత్తెంచె నవంధ్యబలుఁడు.

38


క.

అక్కడఁ గడుదూరము చని
యొక్కెడ నిలుచుండి దాహ మొలయఁగ జల మే
దిక్కునఁ గానక చీకటి
నక్కజముగ నిండి శూన్యమగుగుడిఁ గనియెన్.

39


క.

శాశ్వతముగ నాముందఱ
నీశ్వరలక్ష్మీశభారతీశ్వరమయమై
విశ్వజనాశ్రయముగ నొక
యశ్వత్థముఁ జూచి చేర నరుగఁగఁ గ్రిందన్.

40


క.

వెడఁదమొగంబును గోఱలు
మిడిగ్రుడ్లును గుఱచచెవులు మిడిమీసమ్ముల్
సుడిగొన్న వెండ్రుకలతో
సుడియఁగ నొకబ్రహ్మరాక్షసుం గనుఁగొనియెన్.

41


మ.

కని నిశ్శంకుఁడు సాహసాంకుఁడు మహాకౌతూహలుండై రయం
బున డాయం జని యిట్టి కాఱడవిలో భూతంబవై యున్కి యె
వ్వనిమూలంబున నయ్యె నెవ్వఁడవు సర్వంబుం దగం జెప్పుమా
యనిన న్నివ్వెఱఁగంది వాఁడు నిజవృత్తాంతస్మృతి న్నమ్రుఁడై.

42


క.

ధరఁ గలపురాణముని వ్యా
కరణంబుల శాస్త్రముల నిగమములఁ గవితం