పుట:సింహాసన ద్వాత్రింశిక (కొరవి గోపరాజు).pdf/334

వికీసోర్స్ నుండి
ఈ పుట అచ్చుదిద్దబడ్డది

షష్ఠాశ్వాసము

273


ఉ.

నావుడు వివ్రుఁ డిట్టివచనంబుల నాతని విక్రమార్కుగా
భావములోపలం దెలిసి పార్థివశేఖర! నేఁడు నీ వవం
తీవిభుఁ డౌట నే నెఱిఁగితి న్మఱి యన్యుల కిట్టిచిత్తము
న్లావును సాహసంబు శుభలక్షణము ల్వినయంబుఁ గల్లునే.

34


చ.

ఇది కడుమేలు చేకుఱె నరేశ్వర! ని న్గనుఁగొంటి బ్రహ్మకున్
వదనభుజోరుపాదముల వర్ణము లుద్భవమందె నాల్గు చ
క్కదనమునందు విప్రులకు క్షత్రియజాతికి నొక్కవేళ మే
లొదవఁగఁ బెట్టుడుం గొనుటయుం దమలోపలఁ జెల్లు వీడ్వడన్.

35


ఉ.

ఈదురవస్థ కడ్డువడి హీనుని విప్రునిఁ గాచె నంచు నీ
మేదినిలోనఁ గీర్తియును మేలుఁ దలిర్పదె విన్నవించుచో
నాదరణంబు సేయఁ దగదా సుకృతం బిది దుష్టదానమే
కా దననేల కొమ్మనుచుఁ గైకొనఁ బ్రార్థనచేసి యిచ్చినన్.

36


ఉ.

కైకొని విప్రు వీడుకొని గంగకు భక్తి నమస్కరించి కం
థాకరవాలయోగవిధిదండసమన్వితుఁడై నృపాలుఁ డ
స్తోకమనఃప్రసాదమున జోగివిధంబున నంతనంత ను
త్సేకము లేక యేగి బహుదేశములుం గలయం జరించుచున్.

37


బ్రహ్మరాక్షసుని కథ

సీ.

రుచిరసరోలంబరోలంబకలకంఠ
        కలకంఠకులవృతకలకలంబు
బంధూకబంధుసౌగంథకగంధి ని
        కేతన కేతకీకేతనంబు
పరిభూతభూత ప్రపంచాస్యనాగేంద్ర
        నాగేంద్ర నాగేంద్ర భోగభూమి