పుట:సింహాసన ద్వాత్రింశిక (కొరవి గోపరాజు).pdf/332

షష్ఠాశ్వాసము

271

⁠

గజపుంగవుఁ గాచిన క్రియ ద్విజపుంగవుఁ గాచి మనుజదేవుఁడు వెడలెన్.

⁠ 23

శా.⁠

ఆవేళన్ జను లెల్ల నుల్లములఁ జోద్యం బందుచు న్మేలు మే లీవీరాగ్రణి సాటిచెప్పఁ గలరే యేవీరు లైన న్భువిన్ దైవం బీతనిపాలఁ గల్లె నని వింత ల్గాఁ ప్రశంసింపఁగా నావిప్రుండు నిజప్రియాసహితుఁడై హర్షించి దీవించుచున్.

⁠ 24

ఉ.⁠

సాహసికాగ్రగణ్య! రభసంబున నీ వరుదెంచి యమ్మహా గ్రాహముఁ ద్రుంచి నన్నుఁ గృపఁ గాచితి దీనికి మాఱు మేలుగా నీహిత మే నొనర్చెదను నీ వతిదుర్లభ మంచు దీని సం దేహము లేక కైకొనుము దేవసమానుఁడ వీవు గావునన్.

⁠ 25

క.⁠

ఓపురుషవర్య నేనొక తాపసు దయఁ దొల్లి నర్మదాతీరమునన్ గోపాలమంత్రజపమున నోపినక్రియఁ దపము సేయుచుండఁగ నాకున్.

⁠ 26

వ.⁠

ఒక్కనాఁటి రాతి సుఖస్వప్నావసరమున.

⁠ 27

సీ.⁠

మేఘంబు కడఁబొల్చు మెఱపుకైవడినున్న         పీతాంబరముదిండు బిగియఁగట్టి తరుణాతపద్యుతి హరిచందనం బొప్ప         రవిభంగి నురమున రత్న మలర యమునాజలమ్ముపై నమరునెత్తమ్ముల         తమ్ములౌ తెలిగన్నుఁదమ్ము లమరఁ గరిరాజుశిరమున ఘనరత్నఖచితమౌ         దండచాడ్పునఁ బీలిదండ యమర

⁠