పుట:సింహాసన ద్వాత్రింశిక (కొరవి గోపరాజు).pdf/328

వికీసోర్స్ నుండి
ఈ పుట అచ్చుదిద్దబడ్డది

శ్రీరస్తు

సింహాసన ద్వాత్రింశిక

షష్ఠాశ్వాసము

పదుమూఁడవ బొమ్మకథ

క.

శ్రీకరుణారసమయ విభ
వాకరనయనద్వయప్రభామితు ఘననా
భీకమలస్థితనుతు విను
తాకారు వికారదూరు నఖిలాధారున్.

1


క.

మనమునఁ దలఁచుచు భోజుం
డనువగు లగ్నమున నెక్క నరుదేరఁగ నా
సనపాంచాలిక నిలునిలు
మని జనులకు నెల్ల విస్మయంబుగఁ బలికెన్.

2


క.

సత్వము సాహసమును దా
తృత్వమ్మును విక్రమార్కు తెఱఁగునఁ గనకే
సత్వరగతి నరుదేరఁ బ్ర
భుత్వము ఘన మౌనె యతని బురుడించెదవే.

3


క.

మదిఁ దలఁచి చూడు నావుడు
విదితంబుగఁ దద్గుణములు వినిపింపుము స
మ్మద మొదవ నిచట ననినం
బదుమూఁడవబొమ్మ భోజపతి కి ట్లనియెన్.

4