పుట:సింహాసన ద్వాత్రింశిక (కొరవి గోపరాజు).pdf/322

పంచమాశ్వాసము

261

⁠

మలినాకృతితోఁ గాటుక మలక[1] క్రియన్నభము తిమిరమయమై పొలిచెన్.

⁠ 299

ఆ.⁠

అప్పు డధిపుఁ డాపురాంతికవనభూమి యమున పగిదినున్న తమముఁ జూచి వైశ్యతనయ వెఱవ వల దని తెలుపుచు నచట నసురరాక యరయుచుండె.

⁠ 300

ఆ.⁠

వాలుఁగంటిమొఱ్ఱ వాలాయమగు నాన వాలుగాఁగఁ జీకువాలు సొచ్చి వాలు పెఱికికొనుచు వాలుమగం డేఁగె వాలు దైత్యునుదుటివ్రాలు దుడువ.

⁠ 301

క.⁠

ఈరీతి గాచియుండఁగ నారాక్షసుఁ డంత నంగనామణి మొత్తం గా రావము వినవచ్చిన నారాజును నాలకించి యతిరభసమునన్.

⁠ 302

క.⁠

వెఱవకు వెఱవకు తరుణీ మొఱ యాలించితి[2] నృపాలముఖ్యుఁడ నీకై పలుతెంచితిఁ బరిపరిగాఁ గఱకు టసురఁ జెండివైతుఁ[3] గాచెద నిన్నున్.

⁠ 303

వ.⁠

అని.

⁠ 304

శా.⁠

ఓరీరాక్షస వట్టిగర్వమున నీ వుప్పొంగి దీనానన న్నారీరత్నము నేల నొంచె దిటు లన్యాయంబు గావింతువే

⁠

1. కాటుకమలక = మసిమూఁకుడు
2. మొఱగగు వచ్చితి
3. టసుర నిపుడె చెండి