పుట:సింహాసన ద్వాత్రింశిక (కొరవి గోపరాజు).pdf/307

246

సింహాసన ద్వాత్రింశిక

⁠

హరిదంతంబులు పక్షకాంతి నవసంధ్యాలీలఁ గీలింపఁగా గరుడుం డార్చుచు వచ్చె నచ్చటికి నాకారంబు ఘోరంబుగన్.

⁠ 217

ఉ.⁠

వచ్చి యతండు మస్తమున వ్రయ్యలు వారఁగఁ దన్ని ముక్కునన్ గ్రుచ్చి వియత్పథంబునకుఁ గొంచుఁ జనంగఁ గిరీటరత్నముల్ చెచ్చెర మాంసఖండముల చెల్వున భూమిఁ బడంగ నిచ్చలో మెచ్చి కుమారకుండు ధృతిమేరువు మే లొనగూడె నా కనన్.

⁠ 218

ఉ.⁠

అంబరసీమనుండి మలయాద్రిశిలాస్థలి వ్రాలి యేకచి త్తంబున మాంసఖండములు దర్పము గ్రమ్మగఁ ద్రెంచి మ్రింగఁగా నంబరచారినందనుఁడు హర్షరసంబున మేను వొంగ వ క్త్రాంబుజ ముల్లసిల్లఁ బులకాంకితుఁడై విహాగేంద్రుఁ జూచినన్.

⁠ 219

వ.⁠

అంతఁ బక్షీంద్రుండు.

⁠ 220

ఉ.⁠

వేదన మేను స్రుక్క దరవిందముకాంతిఁ దొఱంగ దాననం బాదరణంబు నాయెడ మహాఘన మైనది యంతరంగ మా మోదతరంగితంబు నిజమూర్తివిలాసము దివ్య మిట్టి కా కోదరజాతి లేదు సుగుణోత్తమ యెవ్వఁడ వీవు నావుడున్.

⁠ 221

ఉ.⁠

ఎవ్వఁడ నైన నేమి[1] మది నిన్నివిచారము లేల నీకు నొం డెవ్వఁడు భక్షణం బగు నహీశ్వరబంధువు[2] గాక యియ్యెడన్ మవ్వము దప్ప దంగలత మానపు గంటుల రక్తపూరముల్ క్రొవ్వినమాంస మున్న యది కొమ్ము భుజింపు భుజంగమాంతకా.

⁠ 222

క.⁠

అనునెడ నాగోకర్ణే శునకుం ప్రణమిల్లి శంఖచూడుఁడు మగుడం జను దేంచి వధ్యశిలమీఁ ద నవం బగు రక్తబిందుతతిఁ బొడఁగాంచెన్.

⁠ 223

1. నైతి నేమి
2. నహీంద్రులఁ దిందువు