పుట:సింహాసన ద్వాత్రింశిక (కొరవి గోపరాజు).pdf/292

పంచమాశ్వాసము

231

క.⁠

అస్తోకంబుగ నత్తా ళస్తని కుచమండలమున లలనలచే వి న్యస్త మగుచకదనము నవ కస్తూరీలేపనంబుకై వడిఁ దోఁచెన్.

⁠ 140

వ.⁠

అవి యన్నియుం జూచి డగ్గఱ బెగ్గిలి చతురిక న్యాయనిష్ఠురోక్తులఁ జంద్రు నుద్దేశించి.

⁠ 141

క.⁠

ఉడురాజ నీవు పొడిచిన జడనిధి యుడుకెక్కి వెక్కసంబునఁ బొంగున్ బడబాగ్ని మీఱి నావుడుఁ బడఁతుక నీవేఁడిఁ జిమిడిపడ కెట్లుండున్.

⁠ 142

క.⁠

హరిణాక్షి చూడ్కిఁ గన్నుల సిరిగోల్పడి యిఱ్ఱి నిన్నుఁ జేరిన నీ వీ తరుణిఁ దెగఁజూడఁ బోలుదు పరికింపఁగ నెపుడుఁ బక్షపాతివి గావే.

⁠ 143

మ.⁠

అమృతాంభోనిధి జన్మభూమి సురభూజైరావతశ్రీసుధా ప్రముఖంబు ల్తగు తోడఁబుట్టుగు లుమాప్రాణేశుజూటంబు గే హము బింబం బమృతం బనంగ జగదాహ్లాదంబుగా నిన్నుఁ జూ తుము నీవేఁడిమి కాలకూటమునకుం దోఁబుట్టు వయ్యెంగదా[1].

⁠ 144

ఆ.⁠

నాఁడు నేఁడు నీకు నాఁడుఁదోబుట్టువు లేదా కరుణ లేదు లేశ మైనఁ బొలఁతిమొగముతోడి పొత్తైనఁ బరికించి చల్ల సేయుమయ్య చందమామ.

⁠ 145

1. దోఁబుట్టువౌటంజుమీ; నౌటంగదా