పుట:సింహాసన ద్వాత్రింశిక (కొరవి గోపరాజు).pdf/283

222

సింహాసన ద్వాత్రింశిక

క.⁠

ఓరాక్షస నే నొక్కని బారికినై యడ్డువడితిఁ బరదేశిఁ బ్రియా హారముగ మెసవు పక్వా హారంబులు వెనుకవచ్చునంతకు నన్నున్.

⁠ 93

మ.⁠

అనినం జిత్తములోన దానవుఁడు చోద్యం బందుచు న్నీదుపూ నినసత్కార్యము సెల్లు మెచ్చితిఁ జుమీ నీకిష్ట మెద్దేని వేఁ డిన నే నిచ్చెద నావుడుం గరుణదృష్టిం గల్గ నీక్షించి య జ్జననాథుండు పరోపకారకరణోత్సాహంబుతో నిట్లనున్.

⁠ 94

క.⁠

ఇప్పుడు నీ వాడినయది తప్పకుమీ తఱచుగాఁగ దానవులకడం దప్పును గల వని పెద్దలు చెప్పుదు రొకచోట సత్యశీలము లేదే.

⁠ 95

చ.⁠

నయమునఁ బూర్వదేవతలు నాఁగఁ బ్రసిద్ధికి నెక్కె రాక్షసా స్వయము జగంబులో నసురవంశవిభూషణ[1] మీవు నీవచో నియమముఁ దప్ప నేరుతువె నీదుకళత్రము సాక్షి గాఁగ నా ప్రియమును నీవునుం బ్రియము పెంపునఁ జేయుము[2] నిన్ను వేఁడెదఁన్.

⁠ 96

క.⁠

దనుజేంద్ర నేఁడు మొదలుగ మనుజాహారంబు గొనుట మానుము కృపతో జనులకుఁ బ్రియ మొసఁగుచు నీ వనమున నెలకొనుము వింధ్యవాసిని కెనయై.

⁠ 97

తే.⁠

అనుడు నవ్వర మిచ్చెదనని తలంచి ముదితహృదయుఁడై తనయింతిమోముఁ జూచి యితని సరిపోల్ప నెవ్వరి నెన్నవచ్చు వనిత యీతఁడు జీమూతవాహుమీఱె.

⁠ 98

1. శిరోమణి వీవు
2. నీదు నప్రియము పెంపును జేకుర