ఈ పుట అచ్చుదిద్దబడ్డది
శ్రీరస్తు
సింహాసనద్వాత్రింశిక
చతుర్థాశ్వాసము
ఏడవబొమ్మ కథ
క. శ్రీస్తనకుంకుమసదృశగ
భ్సతిసమూహప్రశస్తిపరిదీపితవ
క్షస్థలపటుతేజోమయ
కౌస్తుభకమనీయవేషిఁ గంసద్వేషిన్. 1
క. తలఁపున నిల్పి పెద్దల హితజ్ఞులఁ దద్జ్ఞులఁ గూర్చి భోజమం
డలవిభుఁ డిష్టలగ్నమున డాసి మహాసన మెక్కఁ బూనఁగాఁ
బలికెఁ దదీయపుత్రిక నృపాలక నిల్వుము విక్రమార్కభూ
తలపతిఁ బోలు తెంపు బలదర్పము లే కిట నెక్కవచ్చునే. 2
క. అనవుఁడు నాతనిసాహస
మును సత్వము నెట్టిచందమునఁ బెం పొదవె
న్వినిపింపు మనిన నుల్లస
మున నేడవబొమ్మ పలికే భోజునితోడన్. 3
శా. సత్యాలంకృతభాషణాభరణుఁ డుత్సాహ ప్రశస్తోదయుం
డత్యాసన్నహితోపభోగ్యవిభవాయత్తాధికప్రాభవ
ప్రత్యాదిష్టసురేశ్వరుండు సయసంపన్నిత్యుఁడా విక్రమా
దిత్యుం డుజ్జయినీపురిం బరఁగె నాదిత్యప్రభావుం డనన్. 4