ఈ పుట అచ్చుదిద్దబడ్డది
తృతీయాశ్వాసము 129
వులు మొదలుగఁ దలకొను బహు
దళములను వసంతుఁ డపుడు దగ మొనదీర్చెన్. 131
క. దీపంబుల క్రియఁ బువ్వులు
దీపింపఁగ మోదుగులు మది న్విరహులకుం
దాపంబు లినుమడింపఁగ
రూపించిన మన్మథాగ్నిరూపము దాల్చెన్. 132
క. శ్రీరమణీయవసంతో
దారవ్యాకోచకుసుమతతి వనలక్ష్మీ
భూరివిభూషణభాండా
గారంబులకరణిఁ గర్ణికారము లొప్పెన్. 133
క. బహుకిసలయఫలసుమనో
విహితోత్సవపికశుకాళివిహరణసౌఖ్యా
వహమహనీయగృహ శ్రీ
సహజములై చూడ నొప్పె సహకారంబుల్. 134
సీ. ఫలరసంబులఁ గూడి యలుఁగులు వాఱెడి
పూఁదేనియలు వారిపూర మనఁగ
సాంధమధూళికాస్యందమందానిల
స్ఫురణంబు తరగల పొం దనంగ
శుకతుండసదృశకింశుకముకుళంబుల
కాంతులు విద్రుమౌఘంబు లనఁగ
మవ్వమెక్కిన వెలిక్రొవ్విరు లెల్లను
శంఖమౌక్తికఫేనసంఘ మనఁగఁ
ఆ. దత్పరాగధూసరోత్పతద్భ్రమరాళి
శీకరంబు లనఁగఁ జెలువు మీఱి
