పుట:సర్వలక్షణసారసంగ్రహము.pdf/107

వికీసోర్స్ నుండి
ఈ పుట అచ్చుదిద్దబడ్డది

106

మంజువాణి

క్రియావిశేషణప్రకరణము

1 లక్షణము

గీ.

పృథివి స్థావరతిర్యక్ప్రభృతులకెల్ల
క్రియలఁ దగు నేకవచనముల్ కీర్తిదముగ
దేవమనుజాదికక్రియల్ దెలుప నేక
వచనబహువచనంబులై వరలు నీశ.

1

స్థావరతిర్యక్పదములకు క్రియ యేకవచన మగుటకు

శా.

ఆకంపించె జగత్రయంబు దిశ లల్లాడెన్ సముద్రంబు లు
ద్రేకించె న్భయమందె భూతములు భేదిల్లెన్ గులక్ష్మాధ్రముల్ ....

2

కాశీఖండము

చ.

ఒరగె వసుంధరాస్థలి మహోరగనాథుఁడు వంగెఁ గూర్మమున్
దరలె నభంబు మ్రోసె సురదంతులు మ్రొగ్గె దిగంతరంబు ల
త్తరి నదిరెన్ మరుత్సుతుఁడు దర్ప మెలర్ప నహార్య ముద్ధతిం
బెరుకఁగ గోత్రశైలములు పెల్లదరెన్ గలగెం బయోధులున్.

3

భాస్కరరామాయణము

గీ.

కరులు ధాత్రీతలంబు గ్రక్కదలనడచె.

4

శల్యపర్వము

క.

ఉద్భిజ్జములు జరాయు
ప్రోద్భూతము లండజాతములు స్వేదజముల్