పుట:సర్పపురమాహాత్మ్యము (కూచిమంచి తిమ్మన).pdf/36

వికీసోర్స్ నుండి
ఈ పుట అచ్చుదిద్దబడ్డది


మోహంబు కాఁబోలు నూహింప దానిచే, నూరక తెలివి లేకుండవలయు
నైంద్రజాలక మేమొ యరసి చూడఁగ నట్టు, లైన నిందుఁ బ్రయోక్త గానిపింపఁ


తే.

డహహ గలయును భ్రమయు మోహంబు నైంద్ర, జాలకంబును గాదు నిశ్చయ మి దేమి
యద్భుతం బంచుఁ బలుమఱు నాత్మలోన, నెంచుచు నొకింతతడవు చింతించుచుండె.

7


వ.

అంత.

8


సీ.

అంగనామణిరూప మబ్బుటయును మనో, జాతార్తియు నికుండ జనవరునకుఁ
బ్రియపత్ని యగుటయు బిడ్డల నూర్వురఁ, గనుటయు వారు సంగ్రామభూమిఁ
బడుటయు క్షుద్బాధ బడలుటయును శవ, సోపానసరణియు సూరివరుని
వచనప్రకారంబు వరుసతో స్మరియించి, మదిలోనఁ జాలవిస్మయముఁ బొంది


తే.

యహహ యిది యెన్న విష్ణుమాయాప్రభావ, మంచు మానసమున నిశ్చయించి మున్ను
బ్రహ్మసభలోను నేను గర్వమునఁ బలికి, నట్టి ఫల మిప్పు డనుభవం బయ్యె నిజము.

9

నారదుండు విష్ణుప్రభావము నెంచి విష్ణువును ధ్యానించుట

వ.

అని విచారించుచుండె నని యగస్త్యుండు శౌనకున కెఱింగించిన నతం డతనికి గ్రమ్మఱ
నిట్లనియె.

10


తే.

ప్రవిమలాత్మక కుంభసంభవ సురర్షి, యట్లు వర్తించుచో నిజం బరయ నెంత
కాల మయ్యె నెఱింగింపు కౌతుకంబు, మఱి మఱియు హెచ్చుచున్నది మానసమున.

11


క.

అనిన నగస్త్యుఁడు పలికెన్, విను మొకత్రుటిమాత్ర మయ్యె వివరింపఁగ న
య్యనఘుఁడు మెలఁగినకాలము, మునివర విష్ణుప్రభావము గడిందిగదా.

12


వ.

అనిన శౌనకుం డంతట నారదుం డెట్లు మెలంగె నెఱిఁగింపు మనినఁ గలశభవుం
డిట్లనియె.

13


క.

 విను మునినాయక యిత్తెఱఁ, గున సురముని తెలివి దెచ్చుకొని యామోదం
బును ఘనశక్తియుఁ దనరఁగఁ, దనమది నఖిలేశు నిట్లు ధ్యానము చేసెన్.

14


క.

ఎవ్వనిచే సృష్టం బగు, నివ్విశ్వము ప్రోదిసేయు నెవ్వాఁడు జగం
బెవ్వనియం దడఁగు న్మఱి, యవ్విభునకు నేను బ్రణతు లర్థి నొనర్తున్.

15