పుట:సకలనీతికథానిధానము.pdf/65

ప్రథమాశ్వాసము

59

క.⁠

వాసుకి తనపుత్రునికై యాసురసైన్యముల బంప నాసైన్యములన్ వాసిచెడ నురిపి విడిచిన నాసాహసమూర్తి వినియె హతశేషులచే.

⁠ 343

క.⁠

విని కోపంబున దా నే గిన నబ్బాలకుఁడు కోలఁ గెడపిన గూలెన్ ఘనుఁడైన విక్రమార్కుఁడు ఘనహీనత లొక్కరూపకాలంబునకున్.

⁠ 344

క.⁠

కాలవశంబున నొకపసి బాలునిచేనైన ఘనుని ప్రాణము పోవున్ కాలము గూడక తల దెగి వ్రాలిన ప్రాణంబు మగుడి రాదె తలంపన్.

⁠ 345

సీ.⁠

శాలివాహనుచేతికోలచే విక్రమ         శిర మట్లు దెగుచు నుజ్జయినిపురము నందు సాహసమూర్తి యంగన ముందర         బడుటయు నాకాంత భట్టి జూచి గర్భములో నున్న యర్భకు వెడలించి         యతనిచేతికి నిచ్చి యగ్ని జొచ్చె భట్టియు నాబాలు పట్టభద్రుని చేసి         యేలించె నిల యెల్ల నింతలోన

⁠

ఆ.⁠

గగనవాణి పలికె గద్దియ యెక్కంగ పాత్రుఁడైన భూమిభర్త లేడు గాన ధరణిలోన గప్పుడు మీరని చెప్పె భట్టి యట్ల జేసె నంత.

⁠ 346