పుట:సకలనీతికథానిధానము.pdf/64

వికీసోర్స్ నుండి
ఈ పుట అచ్చుదిద్దబడ్డది

58

సకలనీతికథానిధానము


తే.

ఇట్టి యుత్పాతములు ధర బుట్టుటయును
భట్టి వినుపించుటయు నరపాలవరుఁడు
యిందులకు నేమి కారణ మెఱుఁగ జెప్పు
మనిన నాభట్టి జెప్పె నేకాంతమునను.

339


సీ.

నీతపశ్శక్తికి నీలకంఠుఁడు మెచ్చి
        యిల యేల వెయేండ్లు నిచ్చె నీకు
ఇటు బుద్ధిబలిమి వేయేడులు నే నీయ
        రెండువేలేం డ్లిల నుండగలిగె
హరుఁడు చెప్పిన కాలమయ్యె మాసాధిక
        సమవయఃకన్యకాజాతుఁడైన
బాలుచే బడ నీకు బ్రాప్తంబు గలదని
        వచియించె నటువంటివాఁడు ధరణి


తే.

బుట్టగాబోలు నరయంగ బెట్టిపంపు
మనిన బేతాళు దలచె నయ్యవనినాథుఁ
డతఁడు చనుదేర నరయ బొమ్మనిన వాఁడు
నరసి యేతెంచి యావిక్రమార్కునకును.

340


క.

వినుపించెఁ బ్రతిష్ఠానం
బనుపురి నెల యెక్కుడైన హాయనపువయో
వనితకు పుట్టిన బాలుం
గనుగొంటిని విప్రకన్యకానందనునిన్.

341


వ.

అని చెప్పి యదృశ్యం బయ్యె. విక్రమార్కుండు వాని బట్టితే బంపినవారునుం జని ప్రతిష్టానపురం బవరోధించిన.

342