పుట:సకలనీతికథానిధానము.pdf/38

32

సకలనీతికథానిధానము

తే.⁠

భూమిసురు గొంచు నచటికి బోయి యతివ యొద్ద నారాత్రి వసియింపను దరి యసుర వచ్చుటయు వాని వధియించి వారసతిని భూసురున కిచ్చి చనుదెంచె బురమునకును.

⁠ 182

వ.⁠

అని యుపన్యసించి వెండియు దచ్చరిత్రంబు వినుమని నారదుం డిట్లనియె.

⁠ 183

ఆ.⁠

తపముచేసియైన జపములచేనైన పొందుఫలముచేత భూమిజనుల మరణరోగజరల మాన్పునుత్తములకు నిందునందు సుఖము లంద గలుగు.

⁠ 184

వ.⁠

అది యెట్లనిన.

⁠ 185

సీ.⁠

ఉజ్జయనీపురి కొకదిగంబరముని         యరుగుదెంచిన విక్రమార్కనృపతి పిలువబంచుటయు నిస్పృహుడగు నమ్ముని         రాకున్న దాబోయి యాకపర్ది గనుగొని మ్రొక్క తత్కాయసిద్ధికి మెచ్చి         యతని యాయుర్భావ మడుగుటయును యోగికిం బేరు నాయుష్యంబు వలసిన         జచ్చు నొల్లకయున్న జావఁ డనుచు

⁠

ఆ.⁠

నొక్కసిద్ధమంత్ర ముపదేశ మిచ్చిన నడవి కరిగి దాన నచట వ్రేల్ప భవుడు మెచ్చి యొక్కఫల మిచ్చి యిది తిను మరణరుజలు నీకు మాను ననుచు.

⁠ 186