పుట:సకలనీతికథానిధానము.pdf/30

24

సకలనీతికథానిధానము

క.⁠

సాహసదానంబులలో సాహసమే లెస్స యవని జనపాలురకున్ సాహసుఁడు విక్రమార్కుఁడు సాహసమునగాదె సాహసాంకుం డయ్యెన్.

⁠ 134

వ.⁠

అని మఱియు నిట్లనియె.

⁠ 135

సీ.⁠

ఉజ్జని నేలుచు నొక్కనాఁ డవ్విక్ర         మార్కుఁ డధ్వరము సేయంగ దలఁచి యంభోధి దోడి తెమ్మని విప్రు బనిచిన         జని మహీదేవుండు వనధి బిలువ పాధోధివిభుడు భూపతికి నిమ్మని తెచ్చి         మణిచతుష్టయము బ్రాహ్మణున కిచ్చి వేర్వేఱ నారత్నవిధములు వివరించి         యనిపిన భూసురుం డరుగుదెంచి

⁠

తే.⁠

జలధియిచ్చిన యారత్నములును నాల్గు విభునిముందట నిడి వానివిధము చెప్ప నడుగు మీ కిత్తు నొకరత్న మనిన ద్విజుఁడు పుడమినాయక మావారి నడిగివత్తు.

⁠ 136

ఆ.⁠

అనుచు నింటి కరిగి యాలిని గొడుకును గోడలికిని వానిగుణములెల్ల ధనము రాజ్యములును గనకభూషణములు నాయువును ఘటించు నని వచించి.

⁠ 137

వ.⁠

ఇందులో నేరత్నం బడుగుద మనిన నిట్లనిరి.

⁠ 138

క.⁠

ధన మడిగె బత్ని, కోడలు కనకాభరణంబు లడిగె, ఘనరాజ్యశ్రీ తనయుం డడిగెను, నాయువు తనకును వలెననుచు ద్విజుఁడు తలఁపున నిడియెన్.

⁠ 139