పుట:సకలనీతికథానిధానము.pdf/291

పంచమాశ్వాసము

285

క.⁠

వింధ్యాటవికిం జని త ద్వింధ్యాచలవాస గుడికి వేగమ చనుచో సంధ్యాశ్రయ రుధిరాసవ గంధ్యాశ్రయమైన యచట కనుగొనునంతన్.

⁠ 158

క.⁠

భయమును బొందగ నాపై దయలో నొకవృద్ధకాంత తగ నిట్లనియెన్ రయమున జను మిచ్చట సం శ్రయమనినను నేను దప్పిచని యొకవంకన్.

⁠ 159

సీ.⁠

పాంచాలనృపుద్వారపాలుండు కమలాఖ్యుం         డాదత్తచాపుఁడై యడవిలోన తరుమూలమున నొక్కతరుణి దుఃఖంపగఁ         గని హేతు వడిగినఁ గాంత పలికె గంధమాలికయను కరటి మజ్జనకుండు         కాలబాహుని పుష్పకాండవహుఁడు తత్తటిజిహ్వు సోదరుఁడు కుబేరు శా         పమున రధాంగంపుఁ బక్షి యైన

⁠

గీ.⁠

గిరిజ నాసేవఁ గైకొని కరుణఁ బలికె యక్షు మర్దించి యంగుళీయకము గొనిన వాని వరియింపుమనినఁ దద్వధ యొనర్చి ఇంతి గైకొని చనె తనయింటి కతఁడు.

⁠ 160

ఆ.⁠

దేవహూతియనెడు భూవాసవుని పత్ని భోగదత్తయనెడి పువ్వుబోణి విభుఁడు దీర్థ మరుగ వెలఁదియుఁ దోటకుఁ బోయి గార్దభంబు మేయఁ జూచి.

⁠ 161