పుట:సకలనీతికథానిధానము.pdf/264

258

సకలనీతికథానిధానము

గీ.⁠

ఈతఁ డుపకారి గాని యహితుఁడు గాఁడు వధ యొనర్పకుఁడని దివ్యవాణి పలుకఁ గాచి రటుగాన వ్యాళసంగతము సింహ కంఠవసతియు గాదె భూకాంతమైత్రి.

⁠ 41

వ.⁠

అనుటయు నక్కళింగదత్తతనూభవ యిట్లనియె.

⁠ 42

సీ.⁠

యజ్ఞస్థలంబను నగ్రహారమునందు         ధనహీనుఁడగు విప్రతనయుఁ డొకఁడు కట్టెలు మోపుగాఁ గట్టి యెత్తగలేక         పడి వ్రణమైనఁ జేపట్టి యొక్క యెడ బిశాచమువచ్చి యేమైన మందిచ్చి         పుండు మాన్చిన విప్రపుత్రకుండు హితబుద్ధి వాటింప నింటివారికి నెల్లఁ         బుండ్లు గావించియు బూమె చేసి

⁠

⁠

కూఁతు గైకొని పైశాచకులముఁ గలసి చనియె నటుగాన రాజపిశాచములకు నంతరము లేదు నమ్మిన యట్టివాని భంగపరతురు చెఱుతు రేపట్టులందు.

⁠ 43

వనమయూరము:⁠

ఈగతి మహీశసుత యిష్టసుఖగోష్ఠిన్ సాగతము చూప మయసంభవయు నంతన్ నాగధర కేగె నరనాథసుతయున్ వై యోగము సహింపక సుఖోఝ్ఝితము నొందెన్.

⁠ 44

ఉ.⁠

అంతఁ గళింగదత్తుఁడు నిజాత్మజ దానవపుత్రికాసమా క్రాంతమనస్క-యై రుచులు గానక మేను కృశించుచున్న భూ కాంతుఁడు వైద్యులం బనుపఁ గామిని హస్తము చూచి మోహవి భ్రాంతియకాన రోగమని పల్కిన గూఁతురు జెప్ప నంతయున్.

⁠ 45