పుట:సకలనీతికథానిధానము.pdf/234

వికీసోర్స్ నుండి
ఈ పుట అచ్చుదిద్దబడ్డది

228

సకలనీతికథానిధానము


సీ.

ఆరాజహంసుఁడ రాతిచేనొచ్చిన
        తరి జ్ఞాతినికటుఁడు దర్పవృత్తి
రాజసన్మంత్రి గారాగృహంబునఁ బెట్టి
        యభిషిక్తుఁడై రాజ్య మనుభవింప
మత్పుత్రియును నేను మహిపతిపుత్రుల
        దాదులమైన కతంబునంధు
నేడ్చెద నాకూఁతు రీవికటేశ్వరు
        సతి కల్పసుందరి సకియ గాన


గీ.

యనుదినంబును వచ్చునన్న రసిపోవ
ననఁగ నేతెంచె నదియును నంతలోన
వచ్చి యంతఃపురంబుల వార్తలెల్లఁ
జెప్పుచోఁ జెప్పె నొకసుద్ధి చిగురుబోణి.

232


చ.

కొనఁటి మగండు తానగుటకుం దగ, నంగవికారి మూర్ఖు నె
మ్మనము గరంపలేని యసమర్థుఁడు వీఁడు విభుండుగాఁగ, నే
మన నిఁకనొల్ల, సత్య మనుమానము దక్కి సురూపవంతు నొ
క్కని ననుఁ గూర్పు వేగమని గామిని నా కెఱిఁగించె నంబికా.

233


క.

ఇతఁడు సుకుమారమూర్తి వీఁ డెవ్వడొక్కొ
వీఁడు వచ్చినఁ గొనిపోయి వెలఁది గూర్తు
ననుచు నాయమ్మ యనుప నయ్యతివ నన్ను
దోడుకొనిపోయి యక్కాంతతోడఁ గూర్చె.

234


క.

ఆవేళ కల్పనుందరి
భావజహతి నన్నుఁ బట్ట పైఁబడుటయు నో
హో వలవ దేను జెప్పిన
యావిధ మీ వాచరించి యంటుము నన్నున్.

235