పుట:సకలనీతికథానిధానము.pdf/226

వికీసోర్స్ నుండి
ఈ పుట అచ్చుదిద్దబడ్డది

220

సకలనీతికథానిధానము


ఆ.

అంతఁ దెల్లవార నవనీరుహము డిగ్గి
యయ్యుదారు నింటి కరిగి వాఁడుఁ
దానుఁ గూడి బుద్ధిం దలఁచి చర్మపుదెత్తి
భూరిరత్నభర్మములు ఘటించి.

189


వ.

తదీయమహత్వంబు గఱపి భూపాలు సమ్ముఖంబునకుఁ బొమ్మనిన నతండును నది గొని చని.

190


ఆ.

దానధర్మములకు ధనమెల్ల వెచ్చించి
పేదవడితినని, కుబేరదత్తుఁ
డాది నాకు నిత్తునన్న, తనూభవ
నీయననిన, రోసి యిల్లు వెళ్ళి.

191


తోటకము:

అడవికి నేగి రయంబునఁ దనువున్
విడువఁగఁజూచిన విశ్వేశ్వరుఁ డ
య్యెడ మత్కరశర మంటఁగఁ బట్టెన్
బడగగుచర్మపుభస్త్రిక నిచ్చెన్.

192


క.

వ్రతివై యివి పూజింపుము
ప్రతిదివసము లక్ష లెక్కబంగరు లిచ్చున్
జతురత గొని చనుమని యా
సితికంఠుం డనుప నిచట చేరితి నృపతీ.

193


వ.

ఈచర్మభస్త్రికవలన నిష్టార్థంబులు గురియు రత్నంబును గాంచితి ననిన విని నీయొద్దనే యుండనిమ్మని యాయుదారునింట చర్మభస్త్రి రత్నంబు లున్న వవి యపహరించినవారి దండింతుమని పురంబునఁ జాటించి యింటి కనిపిన, నపహారవర్మం గూడి సుఖం బుండె నంత.

194