పుట:సకలనీతికథానిధానము.pdf/214

208

సకలనీతికథానిధానము

క.⁠

అనల ఋణవైరి శేషము లును పంగావలదొకింత యుండెనెయేనిన్ వనమెరియు నప్పు వెరుగును తనువడఁగును గాన తీర్పఁదగు నివియెల్లన్.

⁠ 117

క.⁠

పరివారంబునుఁ బ్రజయును నరిజయమును భూపతులకు నాభరణంబుల్ పరికింప గనకరత్నా భరణంబులప్రియము మోపు పరికింపంగన్.

⁠ 118

క.⁠

బాలకుఁడు నాథుఁడైనను బాలిక గృహకర్తయైనఁ బలువురు మనుజుల్ వాలాయకాండ్రు నైనను పాలసు విభుఁడైన నింటి భాగ్యము దప్పున్.

⁠ 119

క.⁠

అలుకయు రక్షాగుణమును గలుగక యలమటయ తనకు కార్యంబులుగా మెలఁగెడు భూపతిఁ గొలుచుట పులిసాధని(?) నమ్మి చేరఁబోవుటగాదే.

⁠ 120

ఆ.⁠

ఆత్మబుద్ధి లెస్స అంతకంటెను పర బుద్ధిసంపదలకుఁ బ్రోఁది సేయ ఖలునిబుద్ధి కీడు కామినీజనముల బుద్ధి ప్రళయమునకుఁ బుట్టినిల్లు.

⁠ 131

క.⁠

తనయులకు మంత్రులకు హిత జనులకు మిత్రులకు నాత్మసంపద పొ త్తీఁ జనుగాని చనవుపొత్తీఁ జన దవనీశులకు కార్యసరణుల దలఁపన్.

⁠ 122