పుట:సకలనీతికథానిధానము.pdf/202

196

సకలనీతికథానిధానము

క.⁠

వైళంబ మేలుకొనుట య నాలస్యము స్వల్పభుక్తి యధిపతిహితమున్ మేలిమగునిద్ర శౌర్యము కౌలేయగుణంబులార కని మనవలయున్.

⁠ 44

క.⁠

అలసియును మోపుమోయుట చలికిని వేఁడిమికి నోర్చి చనుటయు తుష్టిన్ మెలఁగుటయు గార్దభమునకు గలగుణములు నరులు మూడు గనికొనవలయున్.

⁠ 45

క.⁠

ముందటఁ బ్రియమును పిదపన్ నిందయుఁ బచరించు దుర్వినీతాత్ముని బా యందగు గుత్తుక విషమును బొందగ ముఖ దుగ్ధమున్న భుజగముకరణిన్.

⁠ 46

క.⁠

కులవిద్య మిగులనుత్తమ మలవడ వాణిజ్యకృషులు నవి మధ్యమముల్ కొలుచుట యధమం బారయఁ దలమోసెడి బ్రతుకు మృతివిధంబగు తలపన్.

⁠ 47

క.⁠

కొఱగాని బాంధవంబును కొఱగాని మహీస్థలంబు కొరగాని నృపుల్ గొఱగాని పత్నియును దను నెఱుఁగకమును విడువవలయు నీహితబుద్ధిన్.

⁠ 48

క.⁠

చదువని విద్య విషం బగు ముదుకనికిని దరుణి విషము మునుదారిద్ర్యా స్పదునకును గోష్ఠి విష మగు తుదినం గని భుక్తి విషము దుష్టాత్ములకున్.

⁠ 49