పుట:సకలనీతికథానిధానము.pdf/198

వికీసోర్స్ నుండి
ఈ పుట అచ్చుదిద్దబడ్డది

సకలనీతికథానిధానము

192


క.

విభున కనుకూలభార్యయు
విభపము సంతోషమునకు విడిపట్లు నిజ
ప్రభువును వశవర్తియునగు
శుభమూర్తికి నిదియ తలఁప సురలోకమగున్.

19


క.

ఆపద వచ్చిన కరవున
భూపతి యలిగినను రిపుఁడు వొడిచిన దుఃఖో
ద్దీపనమున పితృభూమినిఁ
బ్రాపొందినవాఁడె తనకు బంధువుఁ డరయన్.

20


క.

బహువిధభోజనశక్తియు
మహి(ళార)తిశక్తియును సమంచితవిభవో
ద్యహనమున దానశక్తియు
నహహ తపఃఫలము లనుచు నందురు పెద్దల్.

21


క.

వేదంబుఁ జదివి జపహో
మాదులు నడపుచును నృపుని ననవరతాశీ
ర్వాదములఁ గొలుచు విప్రునిఁ
గాదనక పురోహితుఁడుగఁ గైకొనవలయున్.

22


క.

ఏదేశంబున నిజవి
ద్యాదరణము మన్ననయుఁ బ్రియంబును విబుధా
హ్లాదము చుట్టములును లే
దాదెస నొకదివసమైన నర్హమె యుండన్.

23


క.

ధనమునకు ఫలము దానము
ననుభవమును వేదఫలము లనలాహుతులున్
వనితరతి పుత్రఫలమును
వినికికి నడవడియ ఫలము వివరింపఁదగున్.

24